Супрацоўнікі Брэсцкага РАУС атрымалі аператыўную інфармацыю аб тым, што на полі паблізу вёскі Шумакі адбыўся інцыдэнт, пры якім была страчана частка ўраджаю збожжа. Падрабязнасці здарэння паведамляе аддзяленне інфармацыі і грамадскіх сувязяў УУС аблвыканкама.
Было ўстаноўлена, што вечарам 2 жніўня пасля ўборкі поля пшаніцы два бункеры камбайнаў былі згружаны ў 10-тонны грузавы аўтамабіль МАЗ, якім кіраваў малады вадзіцель. Па нявопытнасці ён недастаткова надзейна замацаваў барты кузава. Падчас руху адбылося міжвольнае адчыненне борта, у выніку чаго большая частка грузу збожжа высыпалася на скошанае поле. Міліцыянеры высветлілі, што прыбыўшыя на месца здарэння галоўны аграном прадпрыемствы і аграном, у веданні якога знаходзіцца дадзенае поле, з мэтай утойвання інцыдэнту далі ўказанне работнікам з дапамогай пагрузчыка сабраць прасыпанае зерне назад у кузаў аўтамабіля. Пры гэтым, каб якасць збожжа не пагоршылася, гэта значыць не было забруджвання грунтам, сабраць тое, што вышэй за ўзровень іржышча, пасля чаго разраўнаваць участак і засыпаць зямлёй, у выніку чаго больш за 200 кілаграмаў сабранага збожжа было закапана.
Агледзеўшы месца здарэння і пераканаўшыся, што інфармацыя пацвердзілася, праваахоўнікамі былі прыняты меры для мінімізацыі ўрону. Прадпрыемству было дадзена ўказанне сабраць збожжа, забруджанае грунтам, пасля чаго яно было прасеяна і ачышчана. Улічваючы, што збожжа некаторы час праляжала ў зямлі і ўжо не адпавядае стандартам харчовай катэгорыі, яно будзе накіравана на вытворчасць камбікорму і кармавых дабавак.
Па гэтым факце праводзіцца праверка, дзеянням службовых асоб будзе дадзена прававая ацэнка.
Сяргей РАСОЛЬКА
Фота з сайта УУС Брэсцкага аблвыканкама
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
