Вы тут

ДАІ Магілёўскай вобласці з пачатку года затрымала амаль 3,7 тыс. бяспраўнікаў


У Магілёўскай вобласці з пачатку года затрымана амаль 3,7 тыс. бяспраўнікаў, паведамляе БелТА.


«У апошні час усё часцей выяўляюцца факты кіравання транспартнымі сродкамі з пратэрмінаванымі вадзіцельскімі пасведчаннямі. Сёлета ў рэгіёне затрымана амаль 3,7 тыс. кіроўцаў, якія не маюць права кіравання транспартнымі сродкамі, у тым ліку ў Магілёве — 963 чалавекі. У сувязі з гэтым Дзяржаўтаінспекцыя нагадвае аб неабходнасці замяніць пасведчанні кіроўцы», — распавялі ў ДАІ УУС Магаблвыканкама.

Праваахоўнікі нагадалі, што раней указам Прэзідэнта працягваўся тэрмін дзеяння дакументаў, у прыватнасці вадзіцельскага пасведчання. Аднак тэрмін заканадаўчага акту скончыўся 26 сакавіка 2022 года, у сувязі з чым неабходна звярнуць увагу на тэрмін дзеяння наяўнага пасведчання кіроўцы.

У адпаведнасці з законам калі будзе выяўлены факт знаходжання за рулём аўтамабіля з пратэрмінаванымі правамі, то надыходзіць адміністрацыйная адказнасць. Гэта прыраўноўваецца да кіравання транспартам без правоў. У першы раз памер штрафу складзе ад 5 да 20 базавых велічынь (1 БВ — Br32), у другі раз на працягу года пасля першага парушэння штраф будзе ад 20 да 50 базавых велічынь.

За неаднаразовае кіраванне транспартным сродкам (тры і больш разоў на працягу года) чалавек прыцягваецца да крымінальнай адказнасці.

Фота: БелТА

Выбар рэдакцыі

Грамадства

Вогненныя вёскі. Нельга забыць. Драмлёва: Жудасны попельны верасень

Вогненныя вёскі. Нельга забыць. Драмлёва: Жудасны попельны верасень

У пякельным драмлёўскім агні абарваліся жыцці 183-х чалавек.