Старшыня Палаты прадстаўнікоў Нацыянальнага сходу Беларусі Уладзімір Андрэйчанка правёў прыём грамадзян ва Ушацкім райвыканкаме, паведамляе БелТА.
Агучаныя грамадзянамі пытанні датычыліся налічэння працоўнай пенсіі, выдзялення долі з салідарнага абавязацельства па кампенсацыі ўрону. Адзін са зваротаў быў калектыўным — аб будаўніцтве грамадскай лазні ва Ушачах. Спікер узяў на кантроль вырашэнне гэтага пытання. У гэтым годзе будзе распрацаваны праект, а ў 2023-м пачнецца будаўніцтва.
«Мэта ў нас адна — дапамагчы чалавеку. Мы настройваем дэпутатаў, каб яны не проста фармальна праводзілі гэтыя прыёмы, а каб вырашалі не толькі пытанні жыхароў, але і рэгіянальныя пытанні. Гэта вельмі важна. Тым больш што зараз у нас разам з урадам ідзе праца над праектам бюджэту на наступны год. І мы можам нейкія моманты ўлічыць, унесці карэктывы, каб сапраўды зняць праблемныя пытанні ў тым ці іншым рэгіёне», — расказаў Уладзімір Андрэйчанка.
Паводле яго слоў, ніводны зварот грамадзян не застаецца без увагі. «Заўсёды складаецца пратакол даручэнняў і кожны зварот бярэцца на кантроль», — падкрэсліў спікер.
Фота: Палата прадстаўнікоў
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.