Вы тут

Іванец: Супрацоўніцтва ў адукацыі, навуцы і інавацыях адыгрывае важную ролю ў будаўніцтве СД


Супрацоўніцтва ў галіне адукацыі, навукі і інавацый адыгрывае важную ролю ў інтэграцыі і будаўніцтве Саюзнай дзяржавы. Такое меркаванне БелТА выказаў міністр адукацыі Беларусі Андрэй Іванец.


«Шэраг пытанняў і задач, якія паставіў кіраўнік дзяржавы ў час нарады з урадам, датычыўся супрацоўніцтва з Расіяй. У сувязі з гэтым, вядома, супрацоўніцтва ў галіне адукацыі, навукі і інавацый адыгрывае вельмі важную ролю ў інтэграцыі і будаўніцтве Саюзнай дзяржавы. Міністэрства адукацыі Беларусі ўжо вядзе актыўную работу на ўсіх узроўнях адукацыі па ўзаемадзеянні з расійскімі калегамі. Хацелася б адзначыць работу ў галіне падрыхтоўкі педагагічных кадраў. Наша краіна мае ўнікальны вопыт работы педкласаў, які паказаў ужо сваю рэзультатыўнасць, таму што фактычна кожны трэці выпускнік педкласа выбірае ў далейшым вучобу ва ўстанове вышэйшай адукацыі педагагічнага профілю. Сумесна з расійскімі калегамі на нядаўна праведзенай сумеснай калегіі таксама прынята рашэнне аб стварэнні Асацыяцыі педагагічных класаў Расіі і Беларусі. Гэта дасць магчымасць у многім інтэграваць і ўзмацніць нашы сумесныя дзеянні па падрыхтоўцы будучых педагогаў і настаўнікаў», — расказаў Андрэй Іванец.

Яшчэ адзін важны напрамак супрацоўніцтва — развіццё ў галіне рэалізацыі буйных імпартазамяшчальных праектаў. «Развіццё інжынерных школ у Саюзнай дзяржаве выходзіць на першы план, таму што пытанні тэхналагічнай бяспекі ў многім звязаны з падрыхтоўкай інжынерна-тэхнічных кадраў і рэалізацыяй буйных праектаў. У сувязі з гэтым знакавым з’яўляецца ўзаемадзеянне Беларускага нацыянальнага тэхнічнага ўніверсітэта з расійскімі калегамі, у рамках якога беларускія калегі ўвайшлі ў кансорцыум вядучых інжынерных школ і ў ходзе пяцігадовай праграмы будуць рэалізоўваць сістэмныя праекты, накіраваныя не толькі на падрыхтоўку адпаведных кадраў, але і рэалізацыю навукова-тэхнічных праектаў Саюзнай дзяржавы, якія маюць важнае прыкладное значэнне для рэальнага сектара эканомікі», — адзначыў міністр.

Паводле яго слоў, супрацоўніцтва ў галіне падрыхтоўкі кадраў для навукі і прамысловасці таксама знаходзіцца ў прыярытэце для абедзвюх краін. «Узаемадзеянне з Курчатаўскім інстытутам таксама адзін з прыярытэтаў у галіне навукова-тэхнічнага супрацоўніцтва нашых універсітэтаў з Расіяй. Цяпер мы рыхтуем шэраг сумесных адукацыйных праграм на ўзроўні другой ступені вышэйшай адукацыі, каб ажыццяўляць сумесную падрыхтоўку магістрантаў па шэрагу спецыяльнасцей, запатрабаваных у эканоміцы. Гэта дасць магчымасць выкарыстоўваць патэнцыял вядучых навуковых школ, а таксама выконваць даследаванні на ўнікальным абсталяванні сусветнага ўзроўню ў галіне ядзернай энергетыкі, фізікі элементарных часціц, біятэхналогіі, фармацэўтыкі і шэрага іншых напрамкаў», — рэзюмаваў Андрэй Іванец.

Прэв’ю: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.