Вы тут

Механізатар у Гомельскім раёне зліў больш за 600 літраў паліва


Супрацоўнікі ДАІ Гомельскага РАУС у аграгарадку Урыцкае спынілі трактар МТЗ-82 з прычэпам, якім кіраваў 57-гадовы вадзіцель.


Праверыўшы дакументы і кабіну, інспектар ДПС агледзеў прычэп. У жалезным бардачку ён знайшоў каністру з афарбаваным дызпалівам. У міліцыянераў узніклі падазрэнні, што трактарыст злівае салярку, таму і паехалі правяраць яго па месцы жыхарства ў вёску Заліп’е.

Як паведамляе аддзяленне па агітацыі і прапагандзе ДАІ УУС Гомельскага аблвыканкама, у дарозе кіроўца ўсё ж такі прызнаўся, што дома ў яго ёсць яшчэ некалькі каністраў, усяго літраў на 30. Насамрэч інспектары знайшлі на падворку і ў сховішчы ў кустах за домам 630 літраў афарбаванага паліва. Работнік гаспадаркі растлумачыў з’яўленні сотняў літраў саляркі тым, што выкрадаў паліва практычна год.

Дзеянням механізатара даецца прававая ацэнка ў рамках крымінальна-працэсуальнага заканадаўства.

Сяргей РАСОЛЬКА

Прэв’ю: pixabay.com

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.