Міністэрства адукацыі зацвердзіла інструкцыю аб парадку засваення зместу адукацыйных праграм агульнай сярэдняй адукацыі дома. Гэта прадугледжана ведамаснай пастановай ад 26 ліпеня 2022 года № 211.
Дакумент устанавіў парадак навучання дома вучняў, якія па медыцынскіх паказаннях часова або пастаянна не могуць наведваць установу адукацыі. Пералік паказанняў устаноўлены дадаткам 2 да пастановы Міністэрства аховы здароўя ад 3 чэрвеня 2022 года № 50.Арганізацыю працэсу навучання ў такіх выпадках ажыццяўляе дзяржаўная ўстанова, якая рэалізуе праграмы агульнай сярэдняй адукацыі па месцы жыхарства або знаходжання вучня, або ўстанова адукацыі, у якой дзіця навучалася да ўзнікнення медыцынскіх паказанняў для хатняга навучання. Пры гэтым для сацыялізацыі такіх дзяцей школы могуць спалучаць заняткі дома і ва ўстанове. Расклад і рэжым заняткаў складаюцца зыходзячы з навучальнага плана і са згоды вучня ці яго бацькоў. Пры гэтым абавязкова ўлічваюцца санітарна-эпідэміялагічныя патрабаванні.
Праверка атрыманых ведаў, атэстацыя навучэнцаў і перавод іх у наступны клас ажыццяўляюцца ў парадку, прадугледжаным правіламі правядзення атэстацыі навучэнцаў пры засваенні зместу адукацыйных праграм агульнай сярэдняй адукацыі.
Для арганізацыі дамашняга навучання патрабуецца заява вучня або законнага прадстаўніка непаўналетняга вучня, а таксама заключэнне ўрачэбна-кансультацыйнай камісіі.
Пастанова № 211 уступае ў сілу з 1 верасня 2022 года.
Надзея НІКАЛАЕВА
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
