Вы тут

Мінадукацыі: працэдура прыёму ў ВНУ прайшла без парушэнняў


Ніякіх парушэнняў у працэдуры прыёму ў ВНУ не выяўлена. Аб гэтым паведаміў начальнік галоўнага ўпраўлення прафесійнай адукацыі Міністэрства адукацыі Сяргей Каспяровіч на прэс-канферэнцыі, перадае БелТА.


«Прыёмная кампанія ў ВНУ паспяхова завершана 10 жніўня. Ніякіх парушэнняў у частцы працэдуры прыёму ў ВНУ не выяўлена. Гэта сведчыць аб якасці працэсу прыёму. Аб якасці вынікаў прыёму гавораць прахадныя балы і конкурсы. Хоць конкурс у цяперашніх умовах вельмі суб’ектыўная рэч. Як правіла, ён высокі там, дзе мала планавых месцаў прыёму. Гэта мы ўбачылі на асобных спецыяльнасцях, дзе ёсць, умоўна кажучы, пяць бюджэтных месцаў. Конкурс там даходзіў да 12 чалавек на месца, але гэта не сведчыць аб тым, што спецыяльнасць звышзапатрабаваная. Што датычыцца прахадных балаў, то тут мы ўбачылі таксама вельмі добрыя вынікі», — расказаў Сяргей Каспяровіч.

Паводле яго слоў, прахадныя балы па некалькіх дзясятках спецыяльнасцей перасягнулі 350 пунктаў. «Шмат спецыяльнасцей, дзе прахадныя балы на бюджэтную форму атрымання адукацыі былі большыя за 300. Напрыклад, у БДУІР неабходна было набраць не менш за 370 балаў на „праграмнае забеспячэнне інфармацыйных тэхналогій“, „стаматалогія“ ў БДМУ патрабавала 369 балаў і вышэй, прахадны бал на „лінгвакраіназнаўства“ ў БДУ склаў 385, у БНТУ на „маркетынгу“ было 346 балаў. Сярэдні конкурс па ўніверсітэце перавышаў у асобных выпадках два чалавекі на месца, пры тым, што на асобныя спецыяльнасці ён склаў 5-6 чалавек», — дадаў начальнік галоўнага ўпраўлення.

Прыём абітурыентаў у бягучым годзе вялі 49 ВНУ. На бюджэтную форму навучання планавалася набраць каля 27,7 тыс. чалавек. «З гэтай велічыні трэба адняць запланаваны прыём на завочную форму атрымання адукацыі па сельскагаспадарчых спецыяльнасцях, які будзе праходзіць у лістападзе-снежні бягучага года. Таму цяпер на бюджэтную форму ў нас прынята 27 тыс. абітурыентаў. Калі гаварыць аб платных лічбах прыёму, то мы планавалі набраць каля 25 тыс. чалавек. Зноў жа з улікам маючага адбыцца набору на сельгасспецыяльнасці прынята 21 тыс. абітурыентаў на платную форму навучання», — адзначыў Сяргей Каспяровіч.

Ён дадаў, што цяперашняя прыёмная кампанія па колькасных паказчыках значна лепшая за мінулагоднюю, што ў сваю чаргу сведчыць аб запатрабаванасці атрымання адукацыі ў краіне і аб запатрабаванасці беларускіх ВНУ.

Фота: БелТА

Выбар рэдакцыі

Грамадства

Што агульнага ў космасу з патэльняй? ​

Што агульнага ў космасу з патэльняй? ​

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.