Трагедыя адбылася ноччу ў 1,5 кіламетра ад прыпыначнага пункта «Пралескі». У выніку наезду грузавога цягніка, які рухаўся з Маладзечна ў бок Мінска, смяротна траўміраваны 72-гадовы мужчына. Падрабязнасці паведамляе гркпа інфармацыі і грамадскіх сувязяў Маладзечанскага РАУС.
На месцы здарэння працавала следча-аператыўная група з прыцягненнем спецыяліста Маладзечанскага міжраённага аддзела Дзяржаўнага камітэта судовых экспертыз. Папярэдне ўстаноўлена, што загінулы ішоў уздоўж пуцей у непасрэднай блізкасці ад іх у спадарожным з цягніком напрамку. Па словах машыніста, ён неаднаразова падаваў мужчыну гукавыя сігналы, але той не рэагаваў на іх, працягваў ісці і перад набліжэннем лакаматыва ступіў на рэйкі. Машыніст таксама выкарыстаў экстранае тармажэнне, але прадухіліць наезд не ўдалося. Тармазны шлях цягніка склаў 300 метраў. Мужчына атрымаў несумяшчальныя з жыццём траўмы і загінуў на месцы здарэння.
Па дадзеным факце Маладзечанскім раённым аддзелам Следчага камітэта праводзіцца праверка.
У Маладзечанскім раёне з пачатку года на чыгунцы адбылося чатыры няшчасныя выпадкі, усе з іх скончыліся смяротна. Супрацоўнікі міліцыі заклікаюць да асцярожнасці ў зоне падвышанай небяспекі і выкананні правілаў бяспекі.
Сяргей РАСОЛЬКА
Прэв’ю: БелТА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.