Вы тут

Вольга Немагай і Сяргей Краўчэня сталі чэмпіёнамі Беларусі ў бегу на 10 000 м


На адкрытым чэмпіянаце Беларусі па лёгкай атлетыцы, які праходзіць на мінскім стадыёне «Дынама», вызначыліся першыя чэмпіёны і прызёры, паведамляе БелТА.


У жаночым забегу на 10 000 м золата заваявала Вольга Немагай, якая паказала рэзультат 35 мін 13,19 сек. Серабро ў Карыны Тамашук (35 мін 22,80 сек), трэцяй фінішавала Мая Танкіх (37 мін 06,17 сек). У мужчын на гэтай жа дыстанцыі першынстваваў Сяргей Краўчэня (29 мін 15,60 сек), сярэбраным прызёрам стаў Раман Адамовіч (29 мін 18,05 сек), бронзу заваяваў Уладзіслаў Прамаў (29 мін 40,64 сек).

Сёння спаборніцтвы на галоўнай спартыўнай арэне краіны прадаўжаюцца. Будзе разыграны 21 камплект узнагарод, а ўсяго ўдзельнікі адкрытага чэмпіянату Беларусі разыграюць 46 камплектаў узнагарод — па 23 у мужчын і жанчын. Сёння на бегавыя дарожкі сектара для кідання і скачкоў выйдуць вядомыя беларускія атлеты, якія могуць паказаць высокія рэзультаты. Сярод іх бегуны Эльвіра Герман (110 м з бар’ерамі) і Ілья Карнавухаў, які нядаўна пабіў нацыянальны рэкорд на дыстанцыі 1500 м, які трымаўся тры дзесяцігоддзі.

Акрамя таго, гледачоў чакае незвычайны забег маскотаў — на стаметроўку выйдуць 9 талісманаў футбольных, валейбольных, баскетбольных, гандбольных клубаў, а таксама НАК і БФЛА. У змешанай аматарскай эстафеце 4×100 м у складах больш як 20 каманд плануюць выступіць вядомыя беларускія спартсмены, як дзеючыя, так і тыя, хто завяршылі актыўную кар’еру. Сярод іх — чэмпіёны і прызёры Алімпійскіх гульняў і чэмпіянатаў свету Юлія Несцярэнка, Ала Цупер, Дзінара Алімбекава, Іван Ціхан, Любоў Чаркашына і іншыя майстры.

На працягу ўсіх дзён спаборніцтваў каля галоўнага ўвахода на дынамаўскую арэну для гледачоў пачнуць працаваць спартыўныя пляцоўкі, лакацыі МАЗа, МТЗ, МНС, НАДА і іншых структур. Там жа ў зонах фуд-корта можна будзе падсілкавацца, паколькі спаборніцтвы лёгкаатлетаў будуць праходзіць да вечара. Фінішуе чэмпіянат 18 жніўня.

Фота bfla.eu

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».