Вы тут

Галоўчанка прадставіў новага віцэ-прэм’ера ва ўрадзе


Прэм’ер-міністр Раман Галоўчанка прадставіў ва ўрадзе свайго новага намесніка Пятра Пархомчыка, паведамляе БелТА.


Пётр Пархомчык да гэтага часу працаваў на пасадзе міністра прамысловасці. Да гэтага ён больш за 13 гадоў узначальваў флагман прамысловага комплексу Беларусі — БелАЗ. «Вы будзеце цяпер курыраваць шэраг прамысловасці і энергетыкі. Гэта і легпрам, і дрэваапрацоўка, і добра вам знаёмы Мінпрам. Упэўнены, у вас не ўзнікне цяжкасцей аператыўна ўліцца ў работу», — сказаў Раман Галоўчанка.

Прэм’ер-міністр падкрэсліў: задачы цяпер стаяць вельмі няпростыя, паколькі перыяд складаны. «Вы бачыце, які на нашы галіны прамысловасці аказваецца ўплыў. Задачы Прэзідэнт нам нядаўна ўсім абазначыў. Шмат складаных пытанняў стратэгічнага характару ва ўсіх галінах, якія вы курыруеце. Гэта і выкананне задач па ўводу другога энергаблока БелАЭС, традыцыйныя пытанні нашых нафтагазавых адносін з РФ, маштабныя інвестыцыйныя праекты, якія трэба рэалізоўваць», — адзначыў кіраўнік урада.

Раман Галоўчанка таксама выказаў падзяку Юрыю Назараву, які ўзначаліў Кіраўніцтва справамі Прэзідэнта, за яго плённую працу на пасадзе віцэ-прэм’ера. «Мы рады, што вы былі членам нашай каманды, калегам, з якім заўсёды можна было знайсці абгрунтаванае і ўзважанае рашэнне па любым пытанні», — падкрэсліў ён.

Прэв’ю: БелТА

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.