Вы тут

За махінацыі з аўто затрыманы жыхар Брэста


У міліцыю паступіла больш за 20 заяў пацярпелых ад дзеянняў аферыста. Ва ўсіх выпадках схема была аднолькавай: малады чалавек знаходзіў у інтэрнэце аб'явы аб продажы аўто, дамаўляўся аб пакупцы ў растэрміноўку (на месяц-два), забіраў машыну і не плаціў. Яго затрымалі.


Як паведамляе аддзяленне інфармацыі і грамадскіх сувязяў УУС Брэсцкага аблвыканкама, аператыўнікі ўстанавілі, што раней судзімы за махлярства 23-гадовы жыхар Брэста даваў распіскі і ў большасці выпадкаў нават не браў дакументы на аўто (нібыта да поўнага разліку), што падкупляла прадаўцоў. Затым знікаў, а транспартныя сродкі перапрадаваў на запчасткі. Ніводнае з даўгавых абавязацельстваў ён так і не выканаў. Агульная шкода складае больш за 50 тысяч рублёў.

Падазраваны арыштаваны. У дачыненні да яго следчымі заведзена крымінальная справа за махлярства, устанаўліваюцца ўсе эпізоды супрацьпраўнай дзейнасці.

Сяргей РАСОЛЬКА

Прэв’ю: БелТА

Выбар рэдакцыі

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.