Вы тут

Лукашэнка: у гэтым годзе дыктатура поўная, дагаворы павінны быць заключаны


Прэзідэнт Беларусі Аляксандр Лукашэнка даручыў максімальна запоўніць у краіне сховішчы плодаагародніннай прадукцыі, каб у міжсезонне забяспечыць патрэбнасці ўнутранага рынку айчыннай прадукцыяй, перадае БелТА.


Гэта тэма была ўзнята пры дакладзе губернатара Гродзенскай вобласці Уладзіміра Караніка. «Пытанне па каналах збыту і па рэалізацыі. Мы вырошчваем усё больш агародніны і садавіны, але нам пастаянна гавораць, што іх у магазіне не купіш. І мы спрабуем закладваць у стабфонды, — расказаў губернатар. — Пры гэтым усё роўна застаюцца незапатрабаванымі астаткі, якія мы спісваем. І калгаснікі кладуць гэта сабе на страты. Таму я хачу сказаць, што наша сельская гаспадарка здольна задаволіць патрэбнасці ўнутранага рынку».

Прэзідэнт у сувязі з гэтым пацікавіўся, ці заключаны дагаворы з гандлёвымі сеткамі.

«Са сваімі сеткамі гатовы заключыць. А з сеткамі рэспубліканскімі не», — адказаў Уладзімір Каранік.

Аляксандр Лукашэнка даручыў, каб пад усю айчынную прадукцыю з гандлем былі заключаны дагаворы і няўхільна выконваліся. «У гэтым годзе дыктатура поўная. Я аб гэтым ужо гаварыў. Усе дагаворы, якія будуць заключаны (а ўсё, што яны вырабілі, на гэта яны павінны заключыць дагаворы — гандаль)», — падкрэсліў Прэзідэнт.

Кіраўнік дзяржавы гарантаваў, што будуць забяспечаны разлікі за ўсю закладзеную на захоўванне прадукцыю.

«Усё, што можаш пакласці на захоўванне, мы ў цябе забяром. Тое, што табе не трэба будзе, купім. Гэта я табе гарантую. Не — я асабіста прадам за межы краіны. Але гэта нам трэба. Мы павінны спажываць сваю бульбу, а не егіпецкую. Я нічога не маю супраць Егіпта. Але, пагадзіцеся, завезці з Егіпта — месяц трэба везці бульбу, а сваё не можам спажываць», — сказаў кіраўнік дзяржавы.

«Сховішчы ўсе ў краіне павінны быць забіты, запоўнены. Ніводная бульбіна, ніводны яблык не застанецца ляжаць звыш нормы. Усё будзе куплена і рэалізавана. А гандаль вазьміце за жабры жалезна. І прымусьце заключыць дагаворы», — запатрабаваў беларускі лідар.

Фота: БелТА

Выбар рэдакцыі

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.