Участковыя інспектары Брагінскага РАУС у вёсцы Сцяжорнае Брагінскага раёна спынілі аўтамашыну «Фальксваген Гольф». За рулём быў 47-гадовы дырэктар сялянскай фермерскай гаспадаркі. Ён раней трапляў у поле зроку міліцыі як скупшчык крадзенага.
У салоне аўто ляжалі пяць мяхоў мукі ўласнага памолу вагой 176 кілаграмаў. Кіроўца спрабаваў утаіць, дзе ён набыў груз, але не атрымалася. Супрацоўнікі высветлілі, што прадавец — 47-гадовы жывёлавод ААТ «Малажынскі», які таксама раней быў заўважаны ў крадзяжы.
Як паведамляе аддзяленне інфармацыі і грамадскіх сувязяў УУС Гомельскага аблвыканкама, асартыменту выкрадзенага работнікам гаспадаркі магла б пазайздросціць любая крама. Міліцыянеры знайшлі ў гаспадарчай пабудове шэсць мяшкоў мукі ўласнага памолу вагой 191 кілаграм, два мяшкі камбікорму «КД-К-3» вагой 71 кілаграм, чатыры мяшкі камбікорму «КД-К-2» вагой 124 кілаграмы, дзевяць мяшкоў збожжа кукурузы вагой 300 кілаграмаў, дванаццаць мяшкоў заменніка суцэльнага малака вагай 280 кілаграмаў. Дарэчы, гэта малако прызначалася для кармлення маладняку буйной рагатай жывёлы і атрымлівалася жывёлаводам на працягу апошніх месяцаў.
Цяпер дзеянням вяскоўца даецца прававая ацэнка ў рамках крымінальна-працэсуальнага заканадаўства. Нанесены ўрон склаў амаль 1800 рублёў. Выкрадзенае канфіскавана і перададзена ў аграпрадпрыемства.
Сяргей РАСОЛЬКА
Фота: УУС Гомельскага аблвыканкама
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
