Андрэйчанка: Беларусь і Лаос зацікаўлены ў актывізацыі дыялогу па ўсіх напрамках

Старшыня Палаты прадстаўнікоў Уладзімір Андрэйчанка правёў сустрэчу ў рэжыме відэа-канферэнцсувязі са старшынёй Нацыянальнага сходу Лаоскай Народна-Дэмакратычнай Рэспублікі Ксайсамфонам Пхамвіханам, паведаміла БелТА.

«Ініцыятыва правядзення сённяшняй сустрэчы сведчыць аб нашым шчырым імкненні да актывізацыі беларуска-лаоскага дыялога па ўсіх пытаннях, якія ўяўляюць узаемную цікавасць. Сучасны свет мяняецца далёка не ў лепшы бок. І ў гэтай сітуацыі мы павінны задзейнічаць парламенцкае вымярэнне для ўмацавання і развіцця дружалюбных сувязей як у рамках двухбаковых адносін, так і на палях міжнародных арганізацый, прасоўваючы мірны, аб’яднальны парадак дня, — сказаў Уладзімір Андрэйчанка. — Добрая аснова для гэтага ў нас ёсць. У красавіку 2014 года адбыўся афіцыйны візіт у Рэспубліку Беларусь у той час старшыні Нацыянальнага сходу, а цяпер віцэ-прэзідэнта Лаоса Пані Ятхату. Было падпісана Пагадненне аб супрацоўніцтве паміж Нацыянальным сходам Рэспублікі Беларусь і Нацыянальным сходам Лаоскай Народна-Дэмакратычнай Рэспублікі. Пры неабходнасці гатовы яго актуалізаваць».

Спікер нагадаў, у адпаведнасці з пагадненнем у парламентах абедзвюх краін дзейнічаюць рабочыя групы па двухбаковым супрацоўніцтве. «Наша бліжэйшая задача — істотна актывізаваць іх дзейнасць. Менавіта яны павінны стаць ініцыятарамі новых ідэй і напрамкаў супрацоўніцтва, эфектыўнай пляцоўкай для сур’ёзнага абмеркавання сумеснай работы. Тым больш што магчымых тэм, дзе мы можам аказаць сур’ёзнае садзейнічанне выканаўчай уладзе для пашырэння міждзяржаўнага ўзаемадзеяння, дастаткова. Гэта і пытанні гандлёва-эканамічнага супрацоўніцтва, развіцця сувязей у сферы культуры, адукацыі і навукі, узаемнай падтрымкі на міжпарламенцкіх пляцоўках», — адзначыў ён.