Мазырскі музей народнай культуры «Палеская веда» — адзін з самых незвычайных на Палессі. Даўнішнія пакаленні жыхароў гэтага рэгіёна пакінулі нашчадкам шматгранную сістэму сваіх міфалагічных, астралагічных, фальклорных ведаў. Усё гэта, нібы каштоўныя пацеркі, злучана ў адзіную жыццядайную этнакультуру. Вось пра такую спадчыну і расказвае экспазіцыя музея.
Экспазіцыйная прастора запрашае наведвальнікаў у свет адвечных вобразаў, якія увасоблены у звычайныя для сучаснікаў рэчы і з’явы. У залах шмат унікальных старажытных экспанатаў, многімі з якіх і пасёння змаглі бы карыстацца ў побыце. Чаго варты, напрыклад, вялізны човен выраблены са ствала магутнага дрэва! Падаецца, з’явіўся бы ён сёння на хвалях прыгажуні Прыпяці — не знайшлося роўных яму сярод сучасных рыбацкіх лодак ды кацеркоў Тут жа можна убачыць і рыбацкія прылады — мясцовыя рэкі заўжды былі шчодрай крыніцай харчавання палешукоў. Захапленне выклікаюць унікальныя вышыванкі, узоры якіх складаліся традыцыйна і утрымліваюць канкрэтную інфармацыю. Вобразы жывёльнага і расліннага свету адраджаюць карціну мінулай эпохі у тым стане, якую бачылі тагачасныя палешукі, а рэчы дапамагаюць уявіць побыт жыхароў гэты мясцін, іх узаемаадносіны.
Сваеасаблівымі рэплікамі да розных раздзелаў экспазіцыі сталі маляўніча аформленыя цытаты са скарбонкі мясцовай вуснай народнай творчасці.
Кампетэнтным правадніком у свет палескай мінуўшчыны з’яўляецца малодшы навуковы супрацоўнік музея Марына Заяц (на фота).
Яўген ПЯСЕЦКІ
Фота аўтара
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
