Вы тут

Заўсёды на сувязі з народам


Заўсёды знаходзіцца на сувязі з народам — адзін з прынцыпаў работы сенатарскага і дэпутацкага карпусоў нашай краіны. Прамыя лініі, прыёмы грамадзян, сустрэчы з працоўнымі калектывамі сталі рэгулярнымі мерапрыемствамі ў рабочым графіку прадстаўнікоў улады. І самае галоўнае, яны даюць плён. Адрамантаваныя дарогі, рэканструяваныя будынкі, пушчаныя па маршруце аўтобусы — гэтыя і іншыя вырашаныя пытанні, у тым ліку асабістага характару, сведчаць аб эфектыўнасці зваротнай сувязі.


Днямі, напрыклад, член Пастаяннай камісіі Савета Рэспублікі па эканоміцы, бюджэце і фінансах, старшыня агульнага сходу ўдзельнікаў СТАА «Контэ Спа» Валянцін Байко падарыў інвалідную каляску з электрапрыводам мястаўчаніну Віктару Філіпчыку. Гэтаму папярэднічала прамая тэлефонная лінія сенатара, падчас якой звярнуўся мясцовы жыхар: Віктар Філіпчык папрасіў аказаць дапамогу ў набыцці інваліднай каляскі з электрапрыводам. Для мужчыны, які дагэтуль перасоўваўся па горадзе пры дапамозе механічнай каляскі, гэта было жыццёвай неабходнасцю. Сенатар на просьбу адгукнуўся. Па яго словах, працягнуць руку дапамогі і аказаць чалавечую падтрымку для яго вельмі важна.

Вычарпальныя тлумачэнні на звароты грамадзян, а адпаведна, і канкрэтныя даручэнні, былі дадзены падчас прамой тэлефоннай лініі старшыні Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіла Русага. Садзейнічанне сенатара патрабуецца ў вырашэнні праблем, звязаных з зямельнымі адносінамі, паляпшэннем жыллёвых умоў, навядзеннем парадку на могілках, удасканаленнем заканадаўства, добраўпарадкаваннем жылых дамоў і мясцовых дарог.

Пытанні, якія датычацца заканатворчай дзейнасці, зямельных праваадносін і абскарджання судовых пастаноў, закраналіся таксама падчас асабістага прыёму грамадзян старшынёй Пастаяннай камісіі Савета Рэспублікі па заканадаўстве і дзяржаўным будаўніцтве Сяргеем Сіўцом. Да члена гэтай камісіі, начальніка Магілёўскага інстытута МУС Валерыя Палішчука па прамой тэлефоннай лініі ў Дрыбіне звярнуўся жыхар Мсціслаўскага раёна з нагоды прыёму на службу ў органы ўнутраных спраў яго ўнука, які ў сёлетнім маі дэмабілізаваўся з арміі.

Спадчынныя, зямельныя і працоўныя праваадносіны цікавілі грамадзян на выязным прыёме ў Кобрыне члена Пастаяннай камісіі Савета Рэспублікі па заканадаўстве і дзяржаўным будаўніцтве, а па сумяшчальніцтве старшыні Брэсцкай абласной калегіі адвакатаў Тамары Шатлікавай. Падрыхтоўку школ да новага навучальнага года, навацыі Кодэкса аб зямлі, работу мясцовых органаў улады абмеркавала на сустрэчы з жыхарамі Навагрудскага раёна сенатар і дырэктар Навагрудскага дзяржаўнага сельскагаспадарчага прафесійнага ліцэя Эльвіра Сарока. Парламентарый і загадчыца натарыяльнай канторы горада Пінска Ірына Сачкоўская тлумачыла сваім землякам нормы давання, афармлення правоў на зямельныя ўчасткі і садовыя домікі. Да сенатара таксама звярнуліся грамадзяне Украіны — жанчына і яе непаўналетняя дачка. Дзяўчына жадае паступіць у беларускую прафесійную навучальную ўстанову, але не мае на руках дакумента аб атрыманні сярэдняй адукацыі.

Вераніка КАНЮТА

Загаловак у газеце: Адгукнуцца на чужую бяду

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.