Пераход тэатраў краіны на новы механізм фінансавання — гэта даўно наспелая неабходнасць. Такое меркаванне выказаў прэм’ер-міністр Раман Галоўчанка падчас нарады з кіраўнікамі рэспубліканскіх і мясцовых тэатраў, паведамляе БелТА.
Ключавым пытаннем тэматычнай сустрэчы стаў пераход тэатраў на раўнадолевае фінансаванне.
«Сфера культуры заўсёды ў фокусе ўвагі Прэзідэнта і ўрада. Нягледзячы на няпростыя часы, дзяржава прымае ўсе неабходныя меры для развіцця тэатральна-відовішчных арганізацый. Ствараецца і рэканструюецца матэрыяльна-тэхнічная база, рэгулярна вылучаюцца бюджэтныя сродкі на стварэнне новых пастановак, на ўтрыманне тэатра ў выглядзе бюджэтных субсідый, — адзначыў прэм’ер-міністр. — Пры наведванні Нацыянальнага акадэмічнага тэатра імя Я. Купалы ў лютым мінулага года Прэзідэнт выразна паставіў задачу па пераходзе тэатраў на механізм раўнадольнага фінансавання».
Як адзначыў Раман Галоўчанка, такі падыход павінен стымуляваць творчую ініцыятыву, актыўнасць. «І на практыцы пацвердзіць вядомы ў творчым асяроддзі пастулат пра тое, што тэатр не можа існаваць без гледачоў. Адпаведна, акрамя чыстага мастацтва, гэта эканамічны прадукт, які таксама павінен быць канкурэнтаздольным, які павінен прадавацца і прыносіць сродкі для таго, каб развівалася кожная тэатральная ўстанова», — падкрэсліў ён.
Падчас нарады, прэм’ер-міністр адзначыў, што пытанне пераходу або не пераходу на такую форму фінансавання не стаіць. Сустрэча праходзіла для таго, каб зрабіць гэты пераход эфектыўным і абмеркаваць, ці ўсё было ўлічана пры падрыхтоўцы гэтага рашэння. «Гэты пераход — аб’ектыўная, даўно наспелая неабходнасць . Узмацненне залежнасці росту заработнай платы ад працы — па такім прынцыпе жывуць абсалютна ўсе эканамічныя і творчыя агенты ў Беларусі», — адзначыў Раман Галоўчанка.
Фота – скрыншот відэа тэлеграм-канала ўрада
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.