Вы тут

Арбуз для Беларусі паступова становіцца звыклай культурай


У Гродзенскай вобласці вырошчваннем арбузаў займаюцца пяць гаспадарак. Адным з першых пачаў уборку Гродзенскі занальны інстытут раслінаводства НАН Беларусі, што ў Шчучынскім раёне. Рэалізуюць іх як ва ўласнай краме, так і ў гандлёвых кропках прадпрыемства «Гроднааблспажыўтаварыства». Кілаграм салодкай ягады каштуе ў сярэднім 1 рубель 20 капеек. За першы дзень тут сабралі больш за 300 кілаграм.


Сярэдняя вага сёлетніх арбузаў складае 11-12 кілаграм. Бывае, што ёсць і па 16 кіло.

– Арбузы салодкія, сакавітыя, хоць надвор’е сёлета не самае спрыяльнае для іх росту  – назіраліся  вельмі рэзкія перапады тэмпературы, – расказала спецыяліст інстытута Інна Сенкевіч. – Але ўраджай павінен быць не горшы за леташні. Арбузы раслі, згодна з усімі тэхналагічнымі патрабаваннямі – пад плёнкай, з капельным палівам, з адпаведнымі апрацоўкамі падчас вегетацыйнага перыяду.

Плошчы пад гэтую далікатную культуру ў інстытуце сёлета значна павялічылі – ад 40 сотак да гектара. Сарты  замежныя, у асноўным галандскія. Беларускіх сартоў пакуль няма. Па словах спецыялістаў,  арбузы добра адчуваюць сябе і ў нашых прыродна-кліматычных умовах, а для лепшага прыстасавання некаторым сартам зроблены прышчэпкі дзікіх гарбузоў.

– Вядома, ягада далікатная, пакуль не вельмі ў нашых шыротах распаўсюджаная, – распавядае Інна Сенкевіч. – Хутчэй гэта эксперыментальныя ўчасткі. Тым не менш першы вопыт вырошчавання даў нядрэнны вынік. У мінулым годзе сабралі 11 тон, сёлета мяркуем атрымаць да 15. Рэалізуем у сваім фірменным гандлі і адпраўляем у крамы па вобласці.

Дарэчы, інстытут займаецца і вырошчваннем расады. Сёлета ёй займаецца  фермер з Мастоўскага раёна. У гаспадарцы «Джэр Агра» участак пад арбузы складае ўжо 5 гектар. А вырошчваць гэтую культуру  пачалі з 10 сотак некалькі гадоў таму. Зараз тут збіраюць даволі нядрэнны ўраджай – да 200 тон. Рэалізуе яго фермер у гандлёвых кропках Гродзенскага і Мастоўскага раёнаў, а таксама ў сталічных крамах.

Увогуле, арбузным кірункам цікавяцца многія гаспадаркі, паведамілі  ў Гродзенскім абласным камітэце па сельскай гаспадарцы і харчаванні. Колькасць аматараў вырошчвання цеплалюбівай ягады ў рэгіёне расце. Пакуль у прамысловых аб’ёмах яе культывуюць пяць гаспадарак – тры фермерскія гаспадаркі, Гродзенскага гароднінная фабрыка і занальны інстытут у Шчучынскім раёне. Усё часцей з’яўляецца цеплалюбівая ягада і на прыватных участках. Па ўсёй бачнасці, гэта культура мае права на  прапіску і ў Беларусі, лічаць спецыялісты аграпрама.

Маргарыта УШКЕВІЧ

Фота grodnonews

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».