Вы тут

Помнік Івану Шамякіну ўстанавілі ў Добрушы


Урачыстае яго адкрыццё адбудзецца ў Дзень беларускага пісьменства.


Бронзавую скульптуру класіка нацыянальнай літаратуры даставілі ў Добруш з Мінска. Кампазіцыя, якая ўключае ўласна скульптуру і гранітны пастамент, — вагой каля 10 тон, таму для яе мантажу выкарысталі аўтакран. Працэс усталявання помніка трымалі на кантролі як адказныя спецыялісты, так і аўтары кампазіцыі — скульптары Канстанцін Касцючэнка і Уладзімір Піпін. 

Нагадаем, што рашэнне аб адкрыцці помніка Народнаму пісьменніку Беларусі ў яго родным Добрушскім раёне было прынята летась, калі беларуская грамадскасць адзначала 100-годдзе нараджэння Івана Шамякіна. У аб’яўленым конкурсе на лепшы праект помніку выбітному беларускаму пісьменніку прынялі ўдзел сем работ скульптараў і творчых калектываў. Журы, у склад якога ўвайшлі прадстаўнікі раённай улады, абласнога выканаўчага камітэта, работнікі «Інстытута Гомельграмадзянпраект» і Міністэрства культуры Беларусі, прызнала пераможцам работу аўтарскага калектыву ў складзе скульптараў Уладзіміра Піпіна і Канстанціна Касцючэнкі. 

Адкрыццё помніка народнаму пісьменніку Беларусі Івану Шамякіну стане падарункам Добрушу — сталіцы Дня беларускага пісьменства-2022.

Наталля КАПРЫЛЕНКА

Выбар рэдакцыі

Грамадства

Гісторыя ваеннага братэрства

Гісторыя ваеннага братэрства

«Нармандыя», што стала Нёманскай.

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.