Усімі катэгорыямі гаспадарак у Беларусі намалочана 7,8 млн.т збожжа, паведамілі ў Міністэрстве сельскай гаспадаркі і харчавання.
Па дадзеных аператыўнай інфармацыі, на раніцу 30 жніўня ў цэлым па краіне збожжавыя і зернебабовыя культуры (без кукурузы) у сельскагаспадарчых арганізацыях убраны з 2082000 га, што складае 95,8% ад плана. У Брэсцкай вобласці ўбрана 98,1 працэнта плошчаў (349,8 тыс. га), у Віцебскай вобласці — 90,6 працэнта (326,2 тыс. га), Гомельскай — 97,2 працэнта (339,2 тыс. га), Гродзенскай — 96 працэнтаў (299,9 тыс. га), Мінскай — 97 працэнтаў (444,8 тыс. га), Магілёўскай — 95,5 працэнта (322,8 тыс. га).
Таксама ў Беларусі ўбралі проса з 3,02 тыс. га, або 25,6 працэнта ад запланаванай плошчы, намалацілі 7,32 тыс. т з ураджайнасцю 24,2 ц/га. Грэчка ўбрана з 4,09 тыс. га (11,83 працэнта), намалочана 5,49 тыс. т пры ўраджайнасці 13,4 ц/га.
У краіне ўсімі катэгорыямі гаспадарак намалацілі 7835000 т збожжа.
Рапс убралі з 320,8 тыс. га, што складае 88,7 працэнта да ўборачнай плошчы, намалацілі 836,9 тыс. т пры сярэдняй ураджайнасці 26,1 ц/га. Яравога рапсу намалацілі 32,6 тыс.т.
Аб’ём закупак збожжа для дзяржаўных патрэб на 2022 год складае 811,4 тыс.т.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
