Вы тут

Выходзіць кніга паэтаў Берасцейшыны


У Выдавецкім доме «Звязда» працягваецца выданне паэтычных кніг, якія прадстаўляюць вершы лепшых майстроў беларускага прыгожага пісьменства XX — XXI стагоддзяў. Толькі што здадзены ў друкарню зборнік «Адчыненая хаціна». 


І хаця на кнігах няма пазнакі серыі, іх аб’ядноўвае агульная стылістыка афармлення. А яшчэ тое, што ўкладальнікам усіх зборнікаў з’яўляецца адзін з цікавейшых пісьменнікаў сучаснасці — галоўны рэдактар выдавецтва «Мастацкая літаратура» — галоўны рэдактар часопіса «Полымя» Віктар Шніп. Зараз ён узначальвае і секцыю паэзіі Саюза пісьменнікаў Беларусі. 

«Нібы з усіх шляхоў спакусных/ Вярнуўся сэрцам акрыяць/ Каля вытокаў, дзе пакуль што/ Пустэльны бераг, Бог і я./ І ўжо няма балючых згадак,/ Як век, як шмат вякоў назад./ І толькі босы след — пачатак,/ І толькі чысты далягляд». (Алесь Каско). «Жыла ўва мне мара адна:/ За яваю следам гарачым/ Ісці, дабірацца да дна,/ Усё да канца растлумачыць» (Іван Арабейка). «Я сваё пражыву і растану, як дым,/ А як скоціцца з неба іскрынка,/ Знак падам, што з’явілася ў родзе маім,/ Бы ў рацэ, залатая пясчынка./ Непрыкметная зблізку, заззяе яна/ Светляком над прыціхлай зямлёю,/ І я буду глядзець на яе давідна,/ Назаўжды неразлучны з раднёю». (Васіль Сахарчук). Тры яркіх паэты прадстаўлены ў кнізе, укладзенай Віктарам Шніпам, — Алесь Каско, Васіль Сахарчук, Іван Арабейка. Іх унутраны свет, іх мастацкуія вобразы і сімвалы — сведчанне глыбокага пранікнення ва ўнутраны свет сучасніка, незвычайнай сілы жаданне паяднаць чалавека і яго родны кут у адно цэлае, зрабіць родныя вобразы галоўнай кропкай прыцягнення ў жыцці. Можа быць, і гэты зборнік «Адчыненая хаціна» нагадае айчынным крытыкам, літаратуразнаўцам, што і пра іх творчасць, творчасць аўтараў з глыбінкі, яшчэ варта сказаць шмат добрых слоў. 

Раней у Выдавецкім доме «Звязда» пабачылі свет паэтычныя кнігі Анатоля Сыса, Леаніда Дранько-Майсюка, Рыгора Барадуліна, Генадзя Бураўкіна, Алеся Бадака, Віктара Шніпа, а таксама калектыўны зборнік паэтаў Гродзеншчыны, дзе пад адной вокладкай былі прадстаўлены творы Міхася Васілька, Юркі Голуба, Мар’яна Дуксы.

КАСТУСЬ ЛЕШНІЦА

Прэв’ю: БелТА

Выбар рэдакцыі

Сям'я і дэмаграфія

Надзея Ластоўская: Калі ты багацейшы, дапамажы іншаму

Надзея Ластоўская: Калі ты багацейшы, дапамажы іншаму

Якія прынцыпы закладвае ў выхаванне сваіх дзяцей лаўрэат рэспубліканскага конкурсу «Жанчына года»?

Грамадства

Гісторыя ваеннага братэрства

Гісторыя ваеннага братэрства

«Нармандыя», што стала Нёманскай.

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.