Качанава — школьнікам: Улада ў Беларусі заўсёды гатова да дыялогу

Старшыня Савета Рэспублікі Наталля Качанава 1 верасня прыняла ўдзел ва ўрачыстым мерапрыемстве, прысвечаным пачатку новага навучальнага года. Сустрэча з настаўнікамі, вучнямі і бацькамі адбылася ў сярэдняй школе № 266, якая адчыніла свае дзверы ўпершыню. 

— Вы пачынаеце пісаць гісторыю сваёй школы. Я ўпэўнена, што яна стане для вас родным домам. Тут сабраны выдатны педагагічны калектыў. Тут цудоўныя ўмовы для дзяцей: спартыўныя пляцоўкі, добрыя класы. Увогуле зроблена ўсё, каб было зручна і камфортна. Да гэтага свята рыхтуюцца настаўнікі, бацькі. Мы робім усё, каб нашы дзеці пайшлі ў камфортныя школы, — адначыла спікер. 

У Беларусі будуюцца новыя школы, мадэрнізуюцца, рэканструююцца ўжо дзейныя, абнаўляецца, умацоўваецца матэрыяльна-тэхнічная база. Спікер падкрэсліла, што для дзяўчат і хлопцаў ствараюцца выдатныя ўмовы.

Наталля Качанава падчас выступлення са словамі пажаданняў звярнулася да першакласнікаў (у школе 12 першых класаў), старшакласнікаў, бацькоў. Звяртаючыся, у прыватнасці, да педагогаў спікер заўважыла, што іх праца вельмі няпростая. Разам з тым яна пажадала ім зрабіць усё магчымае, каб дзеці палюбілі сваю школу і пасябравалі на доўгія гады.

Пасля гэтага Старшыня Савета Рэспублікі  паразмаўляла з ўдзельнікамі адкрытага ўрока на тэму «Гістарычная памяць — дарога ў будучыню».

Наталля Качанава, у прыватнасці, адзначыла, што была сведкам падзей, якія адбываліся ў 2020 годзе. Таму сёння яна заклікала моладзь не кіравацца эмоцыямі.

«Не трэба ісці ад эмоцый, трэба вельмі шмат думаць. Вельмі шмат хлусні, фэйкаў і няпраўды ў гэтым свеце. Навучыцеся адрозніваць праўду ад няпраўды. Сёння ёсць усе магчымасці для гэтага, — адзначыла спікер. — Мы ўсе — ад кіраўнікоў вышэйшага ўзроўню і да тых, хто працуе непасрэдна побач з вамі, — прыходзім і расказваем. Мы заўсёды гатовы да дыялогу. Прыходзьце ў Савет Рэспублікі. Мы абавязкова з вамі сустрэнемся, пагаворым».

Старшыня Савета Рэспублікі ўпэўнена, што беларусы могуць ганарыцца сваёй краінай. «Шануеце ўсё, што ёсць у нашай краіне. Я не проста так гэта кажу. Наша краіна сапраўды ўнікальная», — сказала спікер.

Наталля Качанава расказала, што на сустрэчы са студэнтамі БДУ ў 2020 годзе ёй задавалі пытанне, каго лічыць вялікім палітыкам. «Я вялікім палітыкам лічу нашага Прэзідэнта. Я не так шмат гадоў працую ў Мінску — сем з паловай гадоў (да гэтага жыла і працавала ў рэгіёне). Але, працуючы побач з гэтым чалавекам, разумела, што толькі Аляксандр Лукашэнка ў гэтых няпростых умовах можа ўтрымаць нашу краіну», — сказала спікер.

Старшыня Савета Рэспублікі ўпэўнена, што кіраўнік дзяржавы абсалютна правільна гаворыць: «Мы гатовы перадаць кіраўніцтва краінай, але гэта трэба зрабіць так, каб вы прадаўжалі гэтыя традыцыі і вашыя дзеці, унукі і праўнукі жылі ў мірнай краіне».

«Я заўсёды казала: мая мара, каб мае дзеці, унукі і праўнукі (хоць вы ўсе нашыя) жылі толькі ў міры», — склала спікер.

Арына КАРПОВІЧ

Фота Анатоля КЛЕШЧУКА