Новы навучальны год у сярэдняй школе № 144 Мінска сёлета пачаўся на патрыятычнай ноце. Першы школьны дзень азнаменаваўся дэвізам «Гістарычная памяць — дарога ў будучыню».
Пытанні, звязаныя з захаваннем гістарычнай памяці, з патрыятызмам, уваходзяць у лік прыярытэтных для сістэмы адукацыі. Падчас урачыстай лінейкі, якая афіцыйна адкрылася ўнясеннем дзяржаўнага сцягу і выкананнем гімну Беларусі, вайскоўцы роты ганаровага каравула вайсковай часткі 2007 усклалі гірлянду да памятнага знаку экіпажу штурмавіка Іл-2 74-га гвардзейскага Сталінградскага штурмавога авіяпалка 1-й гвардзейскай штурмавой авіядывізіі.
Урачыстае мерапрыемства прымеркавалі да тэматыкі 2022-га — Года гістарычнай памяці, каб тым самым падкрэсліць важнасць захавання ведаў пра мінулае.
Памятны знак на тэрыторыі школы прысвечаны подзвігу лётчыка Барыса Акрэсціна і паветранаму стралку Віктару Саладухіну, якія 6 ліпеня 1944 года ў час Вялікай Айчыннай вайны адвялі свой самалёт ад вёскі на поле.
Пасля традыцыйных віншаванняў і памятных падарункаў ад выпускнікоў першаклашкам ды ўрачыстага званка вучні адправіліся на першы ўрок, які па ўсёй краіне гучыць аднолькава «У гістарычнай памяці сіла і адзінства беларускага народа».
Ірына СІДАРОК
Фота аўтара
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
