Сапраўдныя скарбы гісторыі не толькі Кармянскага раёна, але і ўсёй гісторыі айчыннай адукацыі і выхавання ўбачылі ўдзельнікі экспедыцыі ў музеі Панцеляймона Лепяшынскага. Размешчаны гэты музей недалёка ад райцэнтра і створаны быў у сярэдзіне мінулага стагоддзя, але свой сёняшні выгляд набыў нядаўна, дзякуючы ініцыятыве і падтрымцы мясцовых улад.
Панцеляймон Лепяшынскі — легендарны рэвалюцыянер, педагог рэфарматар, таленавіты пісьменнік. У экспазіцыі знаходзяцца ўласныя рэчы яго сям’і, дакументы як дарэвалюцыйнага перыяду так і пазнейшых часоў, кнігі, старажытная мэбля, прывезеная з Маскоўскай кватэры Лепяшынскіх.
Калісьці Лепяшынскі прапанаваў Леніну стварыць дзіцячую школу-камуну, дзе будуць жыць і вучыцца дзеці чырвонаармейцаў. Ідэя была падтрымана. Месцам для правядзення эксперымента была выбрана беларуская вёска Літвіновічы. Там на той час вучыліся больш за сорак хлопчыкаў і дзяўчынак. Неўзабаве гэта школа была пераведзена ў Маскву, а сам стваральнік і педагог-асветнік атрымаў прызначэнне на новую адказную пасаду.
Кармянскі Музей Панцеляймона Лепяшынскага — скарбніца ўнікальнай інфармацыі пра гісторыю гэтага края, прыцягальнае месца турыстычных і адукацыйных маршрутаў.
Яўген ПЯСЕЦКІ
Фота аўтара
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
Цэны на ліквіднае жыллё ў сталіцы выраслі на 5 працэнтаў.
