Вы тут

Да юбілеяў Коласа і Купалы ў Маскве адкрыліся дзве выстаўкі


Адразу два выставачныя праекты адкрыліся 6 верасня ў Маскве ў Дзелавым і культурным комплексе пасольства Беларусі ў Расіі. Праекты прысвечаны 140-годдзю з дня нараджэння класікаў беларускай літаратуры Якуба Коласа і Янкі Купалы.


Фота: russia.mfa.gov.by

Асноўную частку выставы «Знаёмства з Якубам Коласам» складаюць графічныя партрэты беларускага класіка, якія зроблены мастаком Сямёнам Герусам. Стваральнік графічных партрэтаў не раз асабіста сустракаўся з Паэтам, рабіў замалёўкі і эскізы яго партрэтаў, некаторыя з якіх, былі выкананыя літаральна ў апошні месяц жыцця беларускага паэта.

Яшчэ адзін выставачны праект «Дзень добры, Масква!» прысвечаны Янке Купале. Экспазіцыя заснавана на алічбаваных матэрыялах з фондаў музея і прадстаўляе народнага паэта Беларусі ў кантэксце руска-беларускіх культурных сувязяў. Жыццё Купалы было цесна звязана з расійскай сталіцай: ён вучыўся ў Маскоўскім гарадскім народным універсітэце імя А. Л. Шаняўскага, браў шлюб у касцёле святых Пятра і Паўла ў Мілюцінскім завулку. Таксама ўдзельнічаў у працы праўлення Саюза пісьменнікаў СССР і апошнія 10 дзён свайго жыцця паэт правёў менавіта ў Маскве. Таму і назва экспазіцыі была звязана з Масквой.

У выставачны праект уваходзяць некалькі тэматычных раздзелаў, якія паказваюць Янку Купалу як паэта-перакладчыка, распавядаюць пра яго ўзаемаадносіны з Максімам Горкім, і паказваюць, якую ролю Масква сыграла ў асабістым і творчым шляху пісьменніка.

Фота: russia.mfa.gov.by

У завяршэнні вечара перад гасцямі выступілі артысты Гомельскай абласной філармоніі, падчас канцэрта вершы паэтаў ажывалі пад музыку вялікіх кампазітараў.

Прэв’ю: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».