Беларусь рыхтуецца адзначыць самае маладое дзяржаўнае свята — Дзень народнага адзінства. Маштабная праграма урачыстасцяў, прымеркаваных да важнай даты, разлічана на ўвесь гэты тыдзень. Галоўныя пройдуць у суботу, 17 верасня.
Да Дня народнага адзінства рэспубліканскае грамадскае аб’яднанне «Патрыёты Беларусі» сумесна з рэспубліканскім грамадскім аб’яднаннем «Белая Русь» праводзіць акцыю «Сімвал адзінства». Сёння пачынаецца вялікі аўтапрабег, прымеркаваны да Года гістарычнай памяці. Месцам для старту абраны старажытны Полацк Віцебскай вобласці. Удзельнікі аўтапрпабега праедуць праз Расоны, Верхнядзвінск, Мёры, Браслаў і наведаюць мемарыяльныя комплексы і брацкія магілы.
На карце маршрута — 118 раённых цэнтраў краіны. На шляху — шмат цікавых прыпынкаў і сустрэч. Удзельнікі будуць устанаўліваць памятныя таблічкі з лічбавымі QR-кодамі, пры пераходзе па якіх можна будзе пачуць гісторыі відавочцаў тых страшных падзей у выглядзе аўдыёзапісаў ад першай асобы. Плануецца ўстаноўка тэматычных банэраў, прымеркаваных да Года гістарычнай памяці, на якіх будуць пазначаныя месцы важных гістарычных падзей, прывязаных канкрэтна да дадзенай лакацыі.
«Адзін з ключавых момантаў акцыі — падчас аўтапрабегаў па краіне мы будзем збіраць сімвалічныя дэталі-шасцярэнькі, якія ў далейшым утвораць адзіны механізм. Мэта — паказаць, што ўсе мы — частка адзінага механізму і адзін без аднаго існаваць не можам», — падкрэсліваюць арганізатары.
Ксенія ДАБРАБЫТ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».