Вы тут

Пошук новых рынкаў, інвестпраекты, арэнднае жыллё


Як развіваецца Капыльскі раён, «Звяздзе» расказаў старшыня райвыканкама Сяргей Пілішчык.


— Сяргей Міхайлавіч, ці ўдаецца прадпрыемствам Капыльшчыны своечасова рэагаваць на змяненне сітуацыі на рынках збыту?

— Так. Капыльскі лясгас пачынае пастаўляць прадукцыю ў Кітайскую Народную Рэспубліку, Азербайджан, Узбекістан і іншыя краіны. У раёне ўсе прадпрыемствы працуюць стабільна, без прастояў. Пацягваецца рэалізацыя двух значных інвестыцыйных праектаў: Агракамбіната «Дзяржынскі» па выпуску 6000 тон мяса індычкі штогод у аграгарадку Пясочнае, а будаўніцтва цэха па вытворчасці малака з капілярна-порыстай структурай на Капыльскім філіяле Слуцкага сыраробнага камбіната. Гэты праект мае высокую навукаёмістасць і арыентаваны на экспарт у краіны блізкага і далёкага замежжа.

— Колькі гэта дазволіць стварыць новых працоўных месцаў?

— На дзве новыя вытворчасці, якія будуць адкрытыя ў 2023 годзе, плануецца працаўладкаваць каля 500 чалавек. Гэта будуць месцы з высокім узроўнем зарплаты. Акрамя таго, у раёне кожны год з'яўляецца каля 12 малых прадпрыемстваў, якія забяспечваюць працаўладкаванне каля 30 чалавек. За сем месяцаў гэтага года зарэгістравана 10 прадпрыемстваў і сфарміравана 17 новых рабочых месцаў.

На базе Капыльскага дзяржаўнага каледжа эфектыўна працуе цэнтр па падтрымцы прадпрымальніцтва, рэалізоўваюцца стартап-праекты. Таксама дзейнічае бізнес-кампанія «Эргана», што аб'яднала пачынаючых індывідуальных прадпрымальнікаў, навучэнскую моладзь, якія шукаюць новыя ідэі і адкрываюць свой бізнес.

— Сяргей Міхайлавіч, на што ў раёне робіцца акцэнт у сельскай гаспадарцы?

— У першую чаргу ўдзяляем увагу рэнтабельнасці. Для гэтага ўмацоўваем матэрыяльную базу раслінаводства і жывёлагадоўлі, павялічваем аб'ёмы вытворчасці малака, мяса, зерня і іншай прадукцыі. У планах — будаўніцтва малочнатаварных комплексаў, працуем над павелічэннем прадукцыйнасці дойнага статку. У раслінаводстве ставім на першае месца забеспячэнне галіны травяністымі кармамі і зернефуражом. Працягваецца работа па адпрацоўцы спецыялізацыі ў раслінаводстве, карэкціруецца структура пасяўных плошчаў.

— Як справы з кадрамі?

— У асноўным раён забяспечаны кваліфікаванымі кадрамі. Аднак у сельгаспрадпрыемствах ёсць запатрабаванасць у ветэрынарных урачах (сем вакансій), заатэхніках (чатыры вакансіі), аграномах (дзве вакансіі).

Сістэма аховы здароўя недастаткова ўкамплектавана медыкамі. Ёсць неабходнасць у стаматолагах-тэрапеўтах, стаматолагах-хірургах, урачах-хірургах, урачах агульнай практыкі, таксама патрабуецца ўрач-кардыёлаг, урач-рэнтгенолаг.

Сістэма адукацыі забяспечана педагагічнымі кадрамі на 99 працэнтаў. Недахоп у настаўніках фізікі, матэматыкі, замежных моў, пачатковых класаў, псіхолагах, сацыяльных педагогах, лагапедах ліквідуецца за кошт прыцягнення педагогаў пенсіённага ўзросту і сумяшчальнікаў.

Сёлета ў раён прыехала 108 маладых спецыялістаў, у тым ліку 44 з вышэйшай адукацыяй, 38 з сярэдняй спецыяльнай і 26 з прафесійна-тэхнічнай. У сельгасарганізацыях маладыя спецыялісты забяспечваюцца інтэрнатам, кватэрай або індывідуальным домам. У іншых сферах, як правіла, іх селяць у інтэрнаты, а пытанні забеспячэння ўласным жыллём разглядаюцца ў адпаведнасці з раённай праграмай жыллёвага будаўніцтва.

У раёне пастаянна ўдасканальваюцца формы работы па адаптацыі моладзі ў працоўных калектывах, праводзяцца круглыя сталы, сустрэчы з кіраўніцтвам раёна, арганізацый і прадпрыемстваў, актывістамі грамадскага аб'яднання «Белая Русь», прадстаўнікамі прафсаюза, дні адкрытых дзвярэй, кансультацыі юрыстаў, псіхолагаў, злёты маладых спецыялістаў.

— Як наогул вырашаецца кватэрнае пытанне?

— Цяпер у райцэнтры ўзводзіцца 18-кватэрны жылы дом. Долевы ўдзел у яго будаўніцтве прымаюць пяць арганізацый. У далейшым пабудаваныя кватэры пяройдуць у разрад арэнднага жылля і будуць выдзелены работнікам гэтых арганізацый.

Фінансаванне будаўніцтва сацыяльнага жылля вядзецца за кошт бюджэтных сродкаў. На 2022 год яны не выдзелены, таму пакуль такое жыллё ў горадзе не ўзводзіцца.

Сёння грамадзяне імкнуцца самастойна выступаць заказчыкамі будаўніцтва індывідуальных жылых дамоў. Для гэтага ў раёне дастаткова зямельных участкаў, забяспечаных мінімальнай інфраструктурай. Тым, хто мае патрэбу ў паляпшэнні жыллёвых умоў, аказваецца дзяржаўная падтрымка.

Таццяна ЛАЗОЎСКАЯ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.