Рэспубліканскі тэатр беларускай драматургіі і Беларускі дзяржаўны педагагічны ўніверсітэт падпісалі доўгатэрменовы дагавор аб супрацоўніцтве, які дазволіць тэатру і гледачам стаць яшчэ бліжэйшымі, паведамляецца на сайце тэатра.
Мерапрыемства прайшло ў рамках рэалізацыі культурна-адукацыйнага праекта БДПУ «Праз мастацтва — да культуры будучых педагогаў».
Формы супрацоўніцтва падбіраліся з улікам аўдыторыі, на якую яны накіраваны. Гэта і творчыя сустрэчы студэнтаў БДПУ і артыстаў РТБД, і майстар-класы па сцэнічнай мове, акцёрскаму майстэрству, літаратурнай чытцы, а таксама арганізацыя выстаў дыпломных работ студэнтаў факультэта эстэтычнай адукацыі БДПУ ў арт-холе РТБД.
«Рэспубліканскі тэатр беларускай драматургіі не першы год супрацоўнічае з Беларускім дзяржаўным педагагічным універсітэтам, пры падпісанні доўгатэрменовай дамовы адносіны стануць яшчэ больш шчыльнымі і ўзаемапрывабнымі. Дзякуючы подобным праектам РТБД становіцца яшчэ бліжэй да мэтавага гледача», — адзначаецца ў паведамленні тэатра.
XXXI тэатральны сезон у РТБД праходзіць пад назвай «Сезон імгненняў», канцэпцыяй якога тэатр жадае падкрэсліць, наколькі важна прысутнічаць у моманце, быць у кантакце з сабой, сваімі эмоцыямі і пачуццямі, заставацца на сувязі з іншымі людзьмі, каб разам ствараць і цаніць імгненні, з якіх складаецца жыццё.
Фота – РТБД
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.