Вы тут

Турчын уручыў ордэны Маці шматдзетным жанчынам цэнтральнага рэгіёна


Сёння, 14 верасня, у Палацы Рэспублікі старшыня Мінаблвыканкама Аляксандр Турчын уручыў ордэны Маці. Яго ўдастоены 54 шматдзетныя жанчыны з сямнаццаці рэгіёнаў Міншчыны. Мерапрыемства прайшло ўрачыста, узнёсла. У зале прысутнічалі і дзеці некаторых гераінь, якія з непадробнай увагай назіралі за цырымоніяй узнагароджання, бо ўпершыню бралі ўдзел у мерапрыемстве такога ўзроўню.


Аляксандр Турчын падкрэсліў, што пытанні сям’і з’яўляюцца прыярытэтам сацыяльнай палітыкі дзяржавы. У выніку становіцца ўсё больш уладкаваных шматдзетных сем’яў, у тым ліку і на Міншчыне, што патрабуе будаўніцтва большай колькасці жылля, расшырэнні інфраструктуры. У гэтым годзе мяркуецца забяспечыць жыллём больш як дзве тысячы шматдзетных.

Старшыня Мінаблвыканкама адзначыў таксама, што ў цэнтральным рэгіёне не прыпыняецца работа па будаўніцтве аб’ектаў адукацыі — дзіцячых садкоў, школ.

У Мінскай вобласці падтрымка мацярынства — у прыярытэце. Так было і так будзе ў далейшым, запэўніў Аляксандр Турчын.

Старшыня Мінаблвыканкама павіншаваў прысутных з Днём народнага адзінства, якое святкуецца 17 верасня, а шматдзетных маці з высокай дзяржаўнай узнагародай.

Пасля ўрачыстага прыёму маці са сваімі дзеткамі наведалі Мінскі планетарый.

Таццяна ЛАЗОЎСКАЯ

Фота БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».