Вы тут

Малодшым школьнікам адрасавана новая кніжная серыя


Выдавецтва «Адукацыя і выхаванне» па традыцыі шмат намаганняў аддае аддае выпуску літаратуры, скіраванай на юнага чытача. І поруч з мастацкай кнігай выдаецца шмат папулярных, асветніцкіх зборнікаў, асобных выданняў, якія расказваюць пра нашу краіну. Яркі прыклад такой працы — серыя кніг, адрасаваная малодшым школьнікам. Падтрымку ў гэтым новым праекце выдавецтву «Адукацыя і выхаванне» аказала Міністэрства адукацыі Рэспублікі Беларусь.


Невялікія памерам выданні аб’ядноўвае адна назва — «Я ганаруся!». Прыгожа ілюстраваныя, гэтыя зборнічкі прысвечаны гістарычным і прыродным каштоўнасцям Беларусі, прысвечаны нашым знакамітым суайчыннікам.

У кнізе «Нацыянальныя паркі і запаведнікі Беларусі» Эліна Сапажкова распавядае пра Налібоцкую пушчу, Блакітныя азёры, Нарач, Рэспубліканскі ландшафтны запаведнік «Ельня», Нацыянальны парк «Браслаўскія азёры», Белавежскую пушчу і іншыя прыродныя залацінкі краіны.

Дасведчаны кнігавыдавец, аўтар і ўкладальнік многіх кніжных праектаў Вольга Ваніна прысвяціла сваю кнігу дзяржаўным сімвалам Рэспублікі Беларусь — «Герб, Сцяг, Гімн».

«Маўклівыя сведкі гісторыі» — кніжачка, у якой публіцыст Дзмітрый Кашавар выкладае звесткі пра Сафійскі сабор у Полацку, Стары замак у Гродне, Камянецкую вежу, Мірскі замак і іншыя адрасы нашай гістарычнай памяці.

Наклад кніг новай серыі «Я ганаруся!» — 3 000 экзэмпляраў. Няма ніякіх сумненняў, што выданні разыйдуцца імгненна, бо, пэўна, кожны школьнік захацеў бы мець такія лаканічныя «энцыклапедыі» у сваёй хатняй бібліятэцы!

Набыць кніжныя навінкі можна ва ўсіх крамах ААТ «Белкніга» і ў кнігарні «Акадэмкніга» — у Мінску па адрасе: праспект Незалежнасці, 72.

Мікола БЕРЛЕЖ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».