Вы тут

Прэм’ера «Гарачага сэрца» ў Купалаўскім


У Нацыянальным акадэмічным тэатры імя Янкі Купалы адбылася прэм’ера спектакля «Гарачае сэрца». Рэжысёр пастаноўкі Валянціна Еранькова прадставіла гледачам сваю інтэрпрэтацыю п’есы Аляксандра Астроўскага. 


Стваральнікі пастаноўкі выкарысталі цікавы прыём: яны асучаснілі народныя песні. Так, падчас спектаклю можна пачуць «Чорнага ворана» і «Гусі-гусі» у поп-абработцы, кампазітарскай работай займаўся Аляксей Еранькоў. Нягледзячы на тое, што падзеі адбываюцца прыкладна ў 1830-х гадах, пластычныя танцавальныя рухі герояў адсылаюць гледача не да старонак гісторыі Расійскай імперыі, а хутчэй да сучаснай танцавальнай студыі. У нейкі момант на сцэне можна ўбачыць нават імправізаваную барацьбу за мікрафон: кожны хоча праспяваць сваю частку песні як мага яскрава. Праз зразумелыя паралелі з сучаснасцю, алюзіі на шоў-бізнэс, поп-індустрыю, больш відавочным малюецца сусвет п’есы: бессэнсоўная канкурэнцыя, пагоня за матэрыяльным дастаткам, уніфікацыя грамадства. 

Але свет — гэта не толькі змрочныя колеры. Так і галоўная гераіня Параша спрабуе змяніць сітуацыю. І адразу робіць правільны крок: пачынае трансфармацыю з сябе, а толькі потым звяртаецца да іншых персанажаў, каб дапамагчы ім адшукаць сапраўдны шлях. 

Нельга не адзначыць і глядацкую рэакцыю: наведвальнікі жыва адгукаюцца на жарты герояў. Змяняюцца эпохі, а людскія недахопы застаюцца такімі ж: жаданне ўрваць як мага больш грошай, выкарыстаць адзін аднаго ва ўласных мэтах. Будуючы на заганах чалавецтва камічныя сітуацыі, стваральнікі спектаклю атрымліваюць чаканы зварот: гледачы ўсё разумеюць. Прапануем вам акунуцца глыбей у атмасферу «Гарачага сэрца» у фотарэпартажы Лізаветы Голад. 

Арына КАРПОВІЧ 

Фота Лізаветы ГОЛАД

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.