Сёння прайшло пасяджэнне Савета Палаты прадстаўнікоў. На ім спікер Уладзімір Андрэйчанка расказаў аб парадку дня будучай сесіі, у прыватнасці, законапраектах, якія разгледзяць дэпутаты, і звярнуў увагу на міжнароднае супрацоўніцтва.
Заўтра адкрываецца чарговая, 9-я сесія парламенту. Яе перыяд будзе цягнуцца амаль год, што дазволіць больш сістэмна і аператыўна прымаць важныя для краіны і людзей законапраекты, адзначыў кіраўнік ніжняй палаты. Цяпер у Палаце прадстаўнікоў знаходзіцца каля 40 законапраектаў, 20 з іх ужо ўключаны ў графік работы, яны амаль падрыхтаваны для разгляду дэпутацкім корпусам.
Найпер сесія мусіць унесці важкі ўклад у забеспячэнне канстытуцыйных пераўтварэнняў:
— Ключавыя законы гэтага блока, якія рэгулююць работу органаў улады, развіццё партыйнай сістэмы нам неабходна прыняць да канца бягучага года. Па асобным з іх у кіраўніка дзяржавы адбыліся нарады, па шэрагу іншых пройдуць у самы бліжэйшы час, і неабходна, каб дэпутаты былі максімальна ўключаны ў працэс дашліфоўкі гэтых дакументаў, — падкрэсліў Уладзімір Андрэйчанка.
Самую пільную ўвагу спікер прызваў надаць прыняццю вывераных заканадаўчых рашэнняў, накіраваных на забеспячэнне рытмічнай і эфектыўнай работы эканомікі.
— Хачу канстатаваць, што па некаторых запатрабаваных законапраектах, што знаходзяцца ў Палаце прадстаўнікоў, дапрацоўка зацягнулася. У прыватнасці, гэта праект Кодэкса аб архітэктурнай, горадабудаўнічай і будаўнічай дзейнасці, «Закон аб рэнуляванні неплацежаздольнасці» «Закон аб ліцэнзіраванні». Я разумею, што гэтыя заколнапраекты вельмі няпростыя, шмат паступае заўваг, і яны часам дыяметральна супрацьлеглыя, але пастаянным камісіям варта падумаць, як аптымізаваць гэты працэс, каб у сціснутыя тэрміны выпрацаваць узгодненую пазіцыю ўсіх зацікаўленых органаў. Неабходна ставіць кропку і прымаць рашэнне па гэтых пытаннях на гэтай сесіі,— заклікаў старшыня Палаты прадстаўнікоў.
У рэчышчы ўстановак кіраўніка дзяржавы па супрацьдзеянні санкцыйнаму ціску і падтрымцы беларускіх суб’ектаў гаспадарання будзе весціся работа над законапраектамі па пытаннях развіцця прадпрымальніцтва, садзейнічання і стымулявання рэалізацыі інвестыцыйных праектаў, аб лізінгавай дзейнасці, аб дзяржаўным прагназаванні і праграмах сацыяльна-эканамічнага развіцця. Іх унясенне чакаецца ў бліжэйшыя месяцы.
Сярод важных накірункаў работы парламентарыяў — рэалізацыя плана па пераразмеркаванні паўнамоцтваў паміж дзяржаўнымі органамі. У шэраг галіновых законаў ужо ўнесены неабходныя змяненні, па астатніх карэкціроўка мусіць быць завершана ў бліжэйны перыяд.
— Змяшчэнне акцэнтаў аб прыняцці многіх рашэнняў рэспубліканскага ўзроўню на мясцовы — гэта патрабаванне часу. І ў гэтым кантэксце дэпутатам варта дэтальна прааналізаваць унесены літаральна на днях законапраект па пытаннях мясцовага кіравання і самакіравання. Наколькі ён забяспечыць узмацненне ролі мясцовых саветаў дэпутатаў пры вырашэнні пытанняў рэгіянальнага значэння? Што зрабіць, каб грамадзянскія ініцыятывы надалі імпульс больш шырокаму ўдзелу насельнітцва ў кіраванні справамі дзяржавы? Ці прадугледжаны эфектыўныя формы і метады грамадскага кантролю за выкананнем канструктыўных стваральных ініцыятыў грамадзян? — заклікаў Уладзімір Андрэйчанка.
Ён праінфармаваў, што ў Палату прадстаўнікоў паступіў законапраект «Аб грамадзянстве», чакаецца праект закона «Аб амністыі».
— Гэты тыя пытанні, якія зараз маюць асаблівае гучанне, закранаюць нацыянальную бяспеку нашай дзяржавы. Таму дэпутатам варта вельмі ўзважана і пільна паглядзець іх праз прызму забеспячэння стабільнасці і спакою ў грамадстве, — удакладніў спікер.
Міжнародная абстаноўка застаецца вельмі складанай, звярнуў ён увагу прысутных:
— У бягучай сітуацыі ўскладнена нармальная работа дэлегацый Нацыянальнага сходу Беларусі у парламенцкай стурктуры Цэнтральна-Еўрапейскай ініцыятывы, па ажыццяўленні кантактаў з парламенцкай асамблеяй Савета Еўропы, парламенцкай канферэнцыяй Балтыйскага мора і Паўночнаму Савету. Гэта выяўляецца найперш у блакаванні удзелу Беларусі ў рабоце ўказаных структур пад выдуманай прычынай аб падтрымцы агрэсіі ва Украіне. Мы таксама бачылі спробы кінуць цень на нашу краіну на Асамблеі міжпарламенцкага саюза. Заходняя санкцыйная палітыка ў адносінах парламентарыяў зрабіла немагчымым удзел нашай дэлегацыі ў ліпеньскай 29-й штогадовай сесіі парламенцкай асамблеі АБСЕ, — канстатаваў Уладізмір Андрэйчанка.
Аднак, падкрэсліў ён, гэта не значыць, што варта зварочваць кантакты. Трэба працаваць не толькі з парламентарыямі і парламенцкімі аб’яднаннямі сяброўскіх нам краін, але і з заходнімі партнёрамі, забяспечваючы міжнароднае супрацоўніцтва па важных для нашай краіны пытаннях. А ўсім спробам дыскрэдытаваць Беларусь неабходна супрацьдзейнічаць своечасова і правільна.
— Для гэтага варта рэагаваць на падзеі, якія адбываюцца ў свеце, у тым ліку прымаючы звароты і заявы. Акрамя таго, на міжнародных пляцоўках сваімі дзеяннямі і аўтарытэтам неабходна пацвярджаць статус нашай краіны як мірнай дзяржавы, накіраванай на ўмацаванне даверу і прасоўванне сур’ёзных міжнародных ініцыятыў, — заклікаў кіраўнік Палаты прадстаўнікоў.
Важна ўдасканальваць узаемадзеянне з краінамі дальняй дугі праз парламенцкія аб’яднанні Лацінскай Амерыкі і Паўднёва-Усходняй Азіі. Адным з прыярытэтных кірункаў дзейнасці была і застаецца работа Парламенцкага Сходу Саюза Беларусі і Расіі. Сур’ёзную ўвагу варта надаць супрацоўнітцву з міжпарламенцкай Асамблеяй дзяржаў-удзельніц СНД.
— У кантэксце падрыхтоўкі да старшынства ў АДКБ у наступным годзе лічу, што парламентарыі мусяць пачаць актыўную працу па вылучэнні ініцыятыў, звязаных з нашым удзелам у парламенцкай асамблеі АДКБ і прыярытэтамі беларускага старшынства ў гэтай арганізацыі, — падкрэсліў Уладзімір Андрэйчанка.
Алена КРАВЕЦ
Фота: БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
