Вы тут

Ці можна пакідаць тэлевізар зімой на дачы?


Пакідаючы дачу на зімовы сезон, памятайце: бытавая тэхніка, якая там застаецца, можа стаць ахвярай нізкіх тэмператур.


Каб быць упэўненымі ў захаванасці тэхнікі, трэба зважаць на тэмпературу захоўвання, паказаную вытворцам электрапрыбораў.

Напрыклад, захоўванне тэлевізара з вадкакрышталічным дысплэем пры мінусавай тэмпературы для яго можа стаць фатальным. Вялікая частка ВК-дысплэяў не разлічана на тое, каб знаходзіцца пры мінусавай тэмпературы, асабліва пры моцных маразах.

Некаторыя мадэлі такіх тэлевізараў можна пакідаць пры тэмпературы да -15—20 °C, але не больш. Але нават пры такой тэмпературы ўсю зіму захоўвацца тэлевізар не зможа. Са строю можа выйсці матрыца.

Старыя тэлевізары-«скрынкі» лічацца самымі надзейнымі ў плане захоўвання пры нізкіх тэмпературах.

Ідэальным варыянтам захоўвання тэлевізара на дачы будзе ўпакоўка, у якой ён прадаваўся. Яна засцеражэ тэхніку ад пылу і вільгаці, а змешчаны ўсярэдзіне пенапласт не дасць прабрацца холаду.

Трэба дастаць батарэйкі з пульта (яны могуць працячы) і аддзяліць ад апарата ўсе кабелі.

Калі ж упакоўка не захавалася, можна ахінуць тэлевізар шчыльным пакрывалам або непатрэбнай коўдрай. Гэта таксама дазволіць засцерагчы прыбор ад пылу і дробных насякомых. А вось плёнкай накрываць не варта — пад ёй можа пачаць кандэнсавацца вільгаць, такая небяспечная для тэхнікі.

Калі раптам вы вырашыце прыехаць на дачу ўзімку, не спяшайцеся ўключаць тэлевізар. Спачатку добра абагрэйце памяшканне, і толькі пасля таго як тэлевізар прабудзе ў цёплай хаце 4-5 гадзін, яго можна смела ўключаць. Неабходна, каб тэхніка не толькі прагрэлася да пакаёвай тэмпературы, але і высахла ад кандэнсату, які ўтварыўся на ёй ці ў ёй. Памятайце, тэхніка вельмі адчувальная да рэзкіх перападаў тэмператур.

Прэв’ю: pixabay.com

Выбар рэдакцыі

Жыллё

Арэндная стаўка на здымнае жыллё працягвае зніжацца

Арэндная стаўка на здымнае жыллё працягвае зніжацца

Свежасць раёна, кватэры з новай планіроўкай — гэтыя фактары сёння маюць ключавое значэнне.

Адукацыя

У фокусе — прафесійная адукацыя

У фокусе — прафесійная адукацыя

Кіраўнікі адукацыйных ведамстваў упэўнены, што супрацоўніцтва ў сферы адукацыі з’яўляецца важным фактарам для ўстойлівага сацыяльна-эканамічнага развіцця дзвюх краін.

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?