Тое, што цікавіць душу. Так, вобразна кажучы, можна абазначыць тэматыку музейнай калекцыі, якая прадстаўлена ў дамавым храме-музеі ў будынку Гомельскага епархіальнага упраўлення Беларускай праваслаўнай царквы.
Музейная калекцыя, звязаная з гісторыей царквы і набажэнствам у ёй, з’яўляецца невялічкай часткай нашай багатай духоўнай і культурнай спадчыны. Тэматычныя экскурсіі пашыраюць веды пра старажытныя рукапісныя і першыя друкаваныя кнігі, развіццё іканаграфіі ад старажытнай рускай традыцыі да нацыянальнай беларускай школы.
Больш за тысячу экспанатаў знаходзіцца ў экспазіцыі, многія з іх маюць сваю цікавую гісторыю. Адны ў свой час былі перададзены са збораў сямейных рэліквій, другія з царкоўнага ужытку. Ёсць і унікальныя экспанаты, якія маюць адносіны да партызанскіх атрадаў (дарэчы, захавальнікі музейных каштоўнасцей прыйшлі да высновы, што ў некаторых партызанскіх атрадах былі свае святары).
У храме-музеі ёсць усе магчымасці праводзіць набажэнствы, лекцыі, экскурсіі і нават майстар класы дзеля далучэння да спадчыннага багацця беларускіх і ўсходнеславяескіх духоўных традыцый. Спрыяюць гэтаму такія выдатныя знаўцы прадстаўленай тэматыкі, як загадчык канцэлярыі епархіі Васілій Чарнякоў (на здымку).
Яўген ПЯСЕЦКІ
Фота аўтара
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».