Натарыусы Беларусі 30 верасня бясплатна пракансультуюць пажылых грамадзян і інвалідаў. Удзел у рэспубліканскай акцыі «Павага. Клопат. Адказнасць», прымеркаванай да Дня пажылога чалавека, прымуць усе натарыяльныя канторы і натарыяльныя бюро краіны, паведаміў прэс-сакратар Беларускай натарыяльнай палаты Юрый Лукашэвіч.
Усе грамадзяне, якія звярнуцца ў ходзе акцыі, атрымаюць адказы на пытанні, якія цікавяць іх і ўваходзяць у кампетэнцыю натарыуса. Адкажуць у тым ліку на пытанні, якія тычацца афармлення спадчынных праў, складання завяшчання, адчужэння нерухомасці.
У БНП падкрэслілі, што правядзенне падобных акцый, прымеркаваных да дзяржаўных свят і іншых дат, для натарыяльнай супольнасці Беларусі стала традыцыйным. Такія мерапрыемствы накіраваны на прававую асвету насельніцтва і забеспячэнне абароны праў і законных інтарэсаў грамадзян.
Поўны спіс натарыяльных кантор і натарыяльных бюро, а таксама час іх працы можна ўдакладніць на сайце Беларускай натарыяльнай палаты belnotary.by, у раздзеле «знайсці натарыуса».
Прэв’ю: pixabay.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.