У Барысаўскім раёне затрыманы злодзей-рэцыдывіст

За здзяйсненне дачных крадзяжоў у Барысаўскім раёне затрыманы неаднаразова судзімы злодзей-рэцыдывіст.

У аператыўна-дзяжурную службу Барысаўскага РУУС сталі паступаць паведамленні аб крадзяжах з дачных дамоў: за некалькі дзён невядомыя абакралі шэсць дамоў у старой частцы горада і аграгарадку Стара-Барысаў, выбіраючы пераважна дачныя будынкі, паведамляе падрабязнасці група інфармацыі і грамадскіх сувязяў райаддзела міліцыі.

Міліцыянеры ўстанавілі, што ва ўсіх выпадках почырк злачынстваў падобны. Зламыснік шляхам разбіцця шыб пранікаў унутр дадому і здзяйсняў крадзяжы. У большасці выпадкаў аб’ектамі замаху станавіліся прадукты харчавання, алкагольныя напіткі і розная дробная тэхніка.

Падчас комплексу аператыўна-вышуковых мерапрыемстваў сышчыкі ўстанавілі асобу падазраванага — гэта 45-гадовы ўраджэнец вёскі Бытча Барысаўскага раёна. Раней фігурант быў неаднаразова судзімы за маёмасныя злачынствы. Не так даўно мужчына вызваліўся з месцаў пазбаўлення свабоды і зноў узяўся за старое.

У ходзе разбору ўстаноўлена, што большую частку выкрадзенага ён выкарыстаў для асабістых патрэб.

Па даных фактах раённым аддзелам следчага камітэта заведзены крымінальныя справы па ч. 2 арт. 205 Крымінальнага кодэкса Рэспублікі Беларусь («Крадзеж»), санкцыя часткі артыкула прадугледжвае да чатырох гадоў пазбаўлення волі.

Сяргей РАСОЛЬКА

Прэв’ю: pexels.com