Вы тут

Медыцына, машынабудаванне, турызм. Пасол Кубы расказаў аб напрамках супрацоўніцтва з Беларуссю


Надзвычайны і Паўнамоцны Пасол Кубы ў Беларусі Санцьяга Перэс Бенітэс перад пачаткам Беларуска-кубінскага бізнес-форуму ў Беларускай гандлёва-прамысловай палаце расказаў журналістам аб тым, якія перспектыўныя напрамкі гандлёва-эканамічнага супрацоўніцтва найбольш цікавыя кубінскаму боку, перадае БелТА.


«Нашы краіны захоўваюць традыцыйныя вузы дружбы і любові яшчэ з часоў Савецкага Саюза. З Беларуссю мы падзяляем агульныя прынцыпы незалежнасці і суверэнітэту. Мы павінны разам працаваць над развіццём гандлёва-эканамічных адносін у гэты няпросты час для ўмацавання нашага двухбаковага партнёрства», — адзначыў Санцьяга Перэс Бенітэс.

Паводле яго слоў, найбольшую цікавасць для кубінскага боку ўяўляе напрамак медыцыны. «Куба можа садзейнічаць удасканаленню медыцыны, таму што гэты напрамак у нас вельмі развіты. Сёння выязджае першая партыя кубінскіх вакцын ад COVID у Беларусь, — расказаў пасол. — Таксама мы можам узаемадзейнічаць з Беларуссю ў машынабудаванні, аднак не толькі ў набыцці новых мадэлей, але і ў куплі запчастак для аднаўлення тэхнікі, якая ўжо ёсць на Кубе. Нам цікавая пастаўка запчастак для рамонту і аднаўлення трактароў, грузавікоў МАЗ, „АМКАДОР“, аўтобусаў. Мы можам займацца зборкай, а таксама ствараць праекты па пастаўцы гэтай тэхнікі на рынак Лацінскай Амерыкі. Таксама вялікі патэнцыял у Беларусі і Кубы ёсць у сферы лічбавай эканомікі, турызму. Да вырашэння гэтых пытанняў трэба падыходзіць гібка, але, працуючы разам, мы зможам пераадолець усе бар’еры». Цяпер на палях Кубы працуе больш за 20 тыс. трактароў беларускай вытворчасці.

Прэзідэнт Гандлёвай палаты Кубы Карона Антоніа Луіс Карыкартэ адзначыў, што на бізнес-форуме плануецца дасягнуць канкрэтных пагадненняў з беларускімі кампаніямі. Кубінская дэлегацыя ўжо вызначыла тых партнёраў, з якімі хацела б працаваць. «Цяпер абстаноўка ў свеце складаная, тым не менш з-за трансфармацый у кубінскай эканоміцы плануецца найбольш цеснае супрацоўніцтва ў сферы сельскай гаспадаркі і вытворчасці прадуктаў харчавання. Таксама на Кубе запатрабаваны беларускія тэхналогіі, трактарная, грузавая прадукцыя і іх абслугоўванне. Кубу можна расцэньваць як мост на рынак бліжэйшых краін. У складзе кубінскай дэлегацыі ёсць кампаніі, якія займаюцца вытворчасцю фармацэўтычнай прадукцыі, біятэхналогій, і яны зацікаўлены ў выхадзе на беларускі рынак. У рамках форуму таксама разгледжаны напрацаваныя магчымасці для супрацоўніцтва», — расказаў ён.

У час Беларуска-кубінскага бізнес-форуму бакі разгледзелі перспектыўныя напрамкі беларуска-кубінскага гандлёва-эканамічнага ўзаемадзеяння і актуальныя пытанні вядзення бізнесу. Прадстаўнікі дзелавых колаў Беларусі і Кубы правялі перагаворы аб развіцці ўзаемавыгаднага супрацоўніцтва і рэалізацыі сумесных праектаў. На форуме з беларускага боку прысутнічалі больш за 90 прадстаўнікоў з 65 прадпрыемстваў у сферах, цікавых Беларусі для прасоўвання на кубінскі рынак — прамысловасць, асабліва сельскагаспадарчае машынабудаванне, банкаўская і лагістычная сферы, навука і медыцына, асаблівыя эканамічныя зоны. З кубінскага боку ў мерапрыемстве прыняло ўдзел 18 прадстаўнікоў бізнесу. Арганізатары мерапрыемства — Беларуская гандлёва-прамысловая палата сумесна з Гандлёва-прамысловай палатай Кубы і пасольствам Кубы ў Беларусі.

Прэв’ю: БелТА

Выбар рэдакцыі

Калейдаскоп

Стрэс, канкурэнцыя, жаданне камандаваць... 5 рэчаў, якія забіваюць жаноцкасць і абаянне

Стрэс, канкурэнцыя, жаданне камандаваць... 5 рэчаў, якія забіваюць жаноцкасць і абаянне

Вонкавая прыгажосць — гэта, у першую чаргу, адлюстраванне ўнутранай.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Чакаюцца дзелавыя поспехі, калі вы, вядома ж, гатовыя да працоўных подзвігаў.