Напярэдадні Міжнароднага дня пажылых людзей, які адзначаецца 1 кастрычніка, моладзь Віцебшчыны, валанцёры руху БРСМ «Добрае Сэрца» прымуць удзел у мерапрыемствах, прысвечаных гэтаму Дню, а таксама ў рэспубліканскай дабрачыннай акцыі «Мы выбіраем дапамогу пажылым людзям». Добраахвотнікі наведаюць адзінокіх людзей, дапамогуць ім у хатніх справах, даставяць сельскагаспадарчую прадукцыю дадому, арганізуюць для іх «гарачыя лініі», а таксама падораць святочны настрой у выглядзе канцэртных праграм, фотавыставаў і шчырых гутарак.
26 верасня моладзь Кастрычніцкага раёна Віцебска арганізавала анлайн-фотавыставу «З сямейнага архіва» ў сваіх сацыяльных сетках. 27 верасня ў крэатыўнай прасторы ДУ «Талачынскі ТЦСАН» адбыўся Адкрыты дыялог «З моладдзю на роўных», фотасесія «З моладдзю на роўных» у рамках рэалізацыі раённага праекта «ПрыгожаС(т)ыльна», а таксама музыкаліці-шоу «Бумеры і Зумеры». 28 верасня моладзь Оршы прыме ўдзел у святочным мерапрыемстве «А ў сэрцы маладосць спявае!», якое адбудзецца ў вялікай зале ўпраўлення па адукацыі.
29 верасня моладзь Шумілінскага раёна ладзіць святочную канцэртную праграму ў аддзяленні кругласутачнага знаходжання грамадзян састарэлага ўзросту і інвалідаў у аграгарадку Мішневічы, а ў Расонскім раённым Доме культуры адбудзецца канцэртная праграма і музычная гульня «Батл пакаленняў».
30 верасня ў Бешанковіцкім раёне валанцёры наведаюць аддзяленне кругласутачнага знаходжання для грамадзян пажылога ўзросту і інвалідаў, у Верхнядзвінску (у Асвейскай сярэдняй школе) адбудзецца Адкрыты дыялог «Сувязь пакаленняў», валанцёры Чашніцкага раёна арганізуюць фотавыставу «Сагрэем далоні. Разгладзім маршчыны» ў гарадскім Доме культуры. Фотавыстава «Як нам дарагая ваша сівізна» будзе арганізавана ў Віцебскай абласной бібліятэцы імя У. Леніна валанцёрамі Чыгуначнага раёна Віцебска. У Першамайскім раёне пройдзе дабрачынная акцыя «Цяпло душы».
1 кастрычніка валанцёрскія атрады Полаччыны арганізуюць дабрачынную акцыю «Расфарбуй свет у яркія колеры», у рамках якой валанцёры падораць пажылым людзям салодкія сувеніры з пажаданнямі.
«Валанцёрскі рух БРСМ «Добрае Сэрца» — адзін з вядучых напрамкаў дзейнасці Беларускага рэспубліканскага саюза моладзі. У рэгіёнах краіны пад эгідай добраахвотніцкага руху БРСМ створана больш за тысячу валанцёрскіх атрадаў, якія аб’ядноўваюць каля трыццаці чатырох тысяч юнакоў і дзяўчат. Толькі ў Віцебскай вобласці дзейнічаюць больш за 300 атрадаў «Добрае Сэрца».
Надзея НІКАЛАЕВА
Прэв’ю: pexels.com
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.