Завяршыліся рэферэндумы ў ДНР, ЛНР, Херсонскай і Запарожскай абласцях

У ДНР, ЛНР, Запарожскай і Херсонскай абласцях завяршыліся рэферэндумы аб далучэнні рэгіёнаў да Расіі, паведамляе ТАСС.

Ва ўсіх чатырох рэгіёнах галасаванне прызнана адбыўшымся. Іх кіраўнікі (акрамя ДНР, дзе гэта ўжо зрабілі) маюць намер 28 верасня звярнуцца да кіраўніцтва Расіі з афіцыйнай просьбай аб уступленні ў склад краіны.

Галасаванне праходзіла з 23 па 27 верасня. 

ТАСС падвёў вынікі рэферэндумаў.

• У Херсонскай вобласці ўваходжанне ў склад Расіі падтрымалі 87,05% тых, хто прагаласаваў (497 051 чалавек), супраць выказаліся 12,05% (68 832).
• У Запарожскай вобласці ініцыятыву падтрымалі 93,11% выбаршчыкаў (430 268).
• У ДНР уваходжанне ў склад Расіі падтрымалі 99,23% выбаршчыкаў.
• У ЛНР за далучэнне да РФ прагаласавалі 98,42% удзельнікаў рэферэндуму.

Прэв’ю: pixabay.com