Вы тут

Просты інтэрфейс, гнуткі функцыянал. Расказваем пра мабільны навігатар па ВНУ


«Белтэлекам» і Мінскі дзяржаўны лінгвістычны ўніверсітэт запусцілі лічбавую платформу «Мой універсітэт». Новы праект забяспечыць інтэрактыўнае ўзаемадзеянне і практычна імгненны доступ да паслуг і анлайн-сэрвісаў вышэйшай навучальнай установы.


Па словах генеральнага дырэктара РУП «Белтэлекам» Юрыя ПЕТРУЧЭНІ, лічбавая платформа дасць магчымасць яшчэ больш эфектыўна вырашаць усе задачы, якія стаяць перад сучаснай адукацыяй, і стане выдатным памочнікам для абітурыентаў, студэнтаў і выкладчыкаў.

— «Мой універсітэт» — яшчэ адзін важны крок на шляху да трансфармацыі адукацыйнага працэсу ў рамках рэалізацыі канцэпцыі «Лічбавы універсітэт 3.0», — падкрэслівае рэктар Мінскага дзяржаўнага лінгвістычнага ўніверсітэта Наталля ЛАПЦЕВА. — Дадатак бачыцца як адзіная экасістэма, якая аб’ядноўвае электронныя сэрвісы, што функцыянуюць ва ўніверсітэце. Спадзяюся, што сумесна з РУП «Белтэлекам» мы зможам рэалізаваць усе задуманыя ідэі.

Фота БелТА

Прататыпам дадатку «Мой універсітэт» стала платформа «Мой горад», якая алічбавала асноўныя гарадскія сэрвісы і паспяхова працуе ўжо ў дзесяці гарадах Беларусі. Ствараючы дадатак для ВНУ, распрацоўшчыкі пашырылі яго функцыянал, сфакусаваліся на патрэбах абітурыентаў, студэнтаў і работнікаў універсітэта. У ім рэалізаваны тыпавыя модулі: «інфармацыя», «навіны», «анлайн-запіс», «чат», «апытанне» і інш.

З дапамогай мабільнага дадатку абітурыенты змогуць знаёміцца з інфармацыяй аб ВНУ і сачыць за ходам уступнай кампаніі, студэнты — вывучаць расклад, аператыўна атрымліваць апавяшчэнні аб зменах ў раскладзе заняткаў, адпраўляць запыты ў дэканат. Для выкладчыкаў рэалізавана магчымасць аператыўнай камунікацыі са студэнтамі. Зараз у распрацоўцы — «разумны расклад» і інтэрактыўная карта ўніверсітэта. Дарэчы, функцыянал дадатку не абмежаваны і будзе пашырацца з улікам пажаданняў карыстальнікаў.

Цікавасць да новага праекта ўжо праяўляюць і іншыя ВНУ. Дадатак «Мой універсітэт» пакладзе пачатак развіццю лічбавых камунікацый у сферы адукацыі і стане свайго роду навігатарам па канкрэтнай установе адукацыі. Пры гэтым адметнасць сістэмы — просты, зразумелы інтэрфейс і гнуткі функцыянал. Дадатак «Мой універсітэт» даступны для запампоўвання на Android і iOS.

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».