Вы тут

Мор пчол, «вайна» з суседзямі, камунальныя праблемы


Старшыня Магілёўскага аблвыканкама Анатоль Ісачанка правёў выязны прыём грамадзян у Чавусах.


Пытанні, з якімі да яго звярнуліся грамадзяне, датычыліся камунальна-бытавых праблем, архітэктуры, развіцця ўласнай падсобнай гаспадаркі. Усяго на прыёме пабывала шэсць чалавек — жыхары Чавус і Чавускага раёна.

Пчаляр з Чавускага раёна абвінаваціў мясцовую аграгаспадарку ў тым, што пазбавіўся дорагакаштуючых меданосных пчол і, адпаведна, чаканага ад рэалізацыі мёду заробку. Мор насякомых, як сцвярджае заяўнік, адбыўся пасля таго, як на полі, дзе яны збіралі мёд, адбылася хімапрацоўка. Толькі пчолы, абурыўся ён, каштавалі болей чым 3 тысячы рублёў. Са сваім пытаннем мужчына звяртаўся ў міліцыю і ветстанцыю, але дзеянні спецыялістаў яго не задаволілі, бо праблема засталася. Пчаляр панёс вялікія страты і хоча, каб у сітуацыі грунтоўна разабраліся. 

Непаразуменні з суседзямі прывялі на прыём да губернатара жыхара Чаус. Ён паскардзіўся, што маладая сямя, якая набыла дом па суседстве два гады таму, развярнула вялікую будоўлю ў непасрэднай блізкасці ад яго дому. Адлегласць паміж дамамі і так была невялікая, але, калі суседзі пачалі рэканструкцыю, гэта адлегласць стала вельмі хутка памяншацца. Яго непакоіць і тое, што маладая сям’я збіраецца праводзіць прыродны газ літаральна ў некалькіх метрах ад яго дома, а таксама зрабіць акно з відам на яго двор. Сярод прэтэнзій — недароблены адліў, з-за чаго вада цячэ прама на ўчастак заяўніка, выступаючы надбудаваны дах. Мужчына паскардзіўся, што ў райвыканкаме, куды ён звяртаўся, яго праблеме не надалі належнай увагі. 

Іншыя пытанні датычыліся праблем з гарачым водазабеспячэннем, правільнасці налічэння пенсіі, неналежнага санітарна-тэхнічнага стану жылля.

Анатоль Ісачанка даручыў дэталёва разабрацца з ўсімі пытаннямі і прыняць меры, у адпаведнасці з дзеючым заканадаўствам. Губернатар звярнуў увагу на тое, што мясцовая ўлада павінна больш уважліва разбірацца з тымі пытаннямі, з якімі звяртаецца да яе чалавек.

Нэлі ЗІГУЛЯ

Фота: БелТА

Выбар рэдакцыі

Грамадства

Народнае прадстаўніцтва

Народнае прадстаўніцтва

Вясна гэтага года праходзіць у Беларусі пад знакам Усебеларускага народнага сходу ў яго новым статусе і якасці. 

Спорт

Павел Старасвецкі: «Зоркі, здольныя ззяць на сусветным узроўні, павінны загарацца ў рэгіёнах»

Павел Старасвецкі: «Зоркі, здольныя ззяць на сусветным узроўні, павінны загарацца ў рэгіёнах»

У новай рубрыцы «Малыя адрасы вялікага спорту» пастараемся растлумачыць, чаму ўся Беларусь жыве спортам у прамым сэнсе гэтага слова.

Грамадства

Хаменка выбраны намеснікам старшыні Савета Рэспублікі восьмага склікання

Хаменка выбраны намеснікам старшыні Савета Рэспублікі восьмага склікання

Ён выбраны таемным галасаваннем з выкарыстаннем бюлетэняў.