Ручка, дарэчы, была не простая, а прыстасаваная пад зброю. Праваахоўнікам мужчына патлумачыў, што прылада належала яго памерламу бацьку і ён знайшоў яе і некалькі патронаў у адной з гаспадарчых пабудоў. Раненне атрымаў, калі спрабаваў прывесці прыстасаванне ў дзеянне. Спачатку стрэлу не атрымалася, але, калі ён павярнуў ручку ў свой бок, яна грымнула і параніла жывот.
— Згодна з вынікамі судовай медэкспертызы, пранікальнае сляпое раненне жывата, атрыманае мужчынам, адносіцца да цяжкага цялеснага пашкоджання, — паведаміла галоўны спецыяліст па рабоце са СМІ упраўлення Дзяржкамітэта судовых экспертыз па Магілёўскай вобласці Ірына Рачкоўская. — Падчас агляду месца здарэння ў доме мужчыны канфіскаваны два фрагменты металічнай трубкі, гільза і два патроны.
Экспертамі Магілёўскага міжраённага аддзела Дзяржкамітэта судовых экспертыз праведзена судовая балістычная экспертыза. Устаноўлена, што прадмет, які стрэліў, выраблены самаробным спосабам накшталт атыповай страляючай прылады і з’яўляецца гладкаствольнай агнястрэльнай зброяй. Два патроны, як і канфіскаваная з месца здарэння гільза, выраблены завадскім спосабам. У адносінах да мужчыны Горацкім раённым аддзелам Следчага камітэта распачата крымінальная справа.
Нэлі ЗІГУЛЯ
Мерапрыемства праводзіцца на добраахвотнай аснове.
Не выявіць ні секунды абыякавасці.