Мерапрыемства прайшло ў рамках рэалізацыі культурна-адукацыйнага праекта БДПУ «Праз мастацтва — да культуры будучых педагогаў» напярэдадні Дня настаўніка.
«Год гістарычнай памяці даў старт многім цікавым праектам (маладзёжным, адукацыйным, культурным), якія ўплываюць на развіццё нацыянальнай культуры, захаванне гістарычнай памяці і беларускай самабытнасці. Наш праект таксама накіраваны на развіццё духоўнасці, маральнасці будучых педагогаў і, вядома ж, на іх грамадзянска-патрыятычнае выхаванне», — адзначыла першы прарэктар БДПУ Святлана Копцева.
Праект уключае наведванне музеяў, гістарычных мясцін, экскурсіі па родным краі. «Ёсць яшчэ адзін вельмі важны напрамак — гэта супрацоўніцтва з вядучымі тэатрамі нашай краіны, таму што будучы педагог павінен ведаць і гісторыю, і культуру сваёй краіны. Таксама ён павінен валодаць сцэнічным майстэрствам, культурай маўлення, каб быць упэўненым у сабе, каб кожны яго ўрок быў, як спектакль», — падкрэсліла першы прарэктар.
Студэнты і работнікі БДПУ паглядзелі на сцэне тэатра спектакль «Паўлінка», які карыстаецца вялікай папулярнасцю ў гледачоў і за доўгія гады свайго існавання ператварыўся ў сапраўдную візітную картку, стаў сімвалам купалаўскай сцэны.
Надзея НІКАЛАЕВА
Прэв’ю: pixabay.com
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.