ХІV Міжнародныя Купалаўскія чытанні «Ад прадзедаў спакон вякоў», прысвечаныя 140-годдзю Янкі Купалы і 100‑годдзю зборніка «Спадчына», адбудуцца 20 кастрычніка 2022 года ў Мінску, паведамілі ў Дзяржаўным літаратурным музеі Янкі Купалы.
Удзел у канферэнцыі прымуць філолагі, музейныя работнікі, культуролагі і іншыя спецыялісты, навуковыя інтарэсы якіх звязаны з рознымі аспектамі купалазнаўства, музеефікацыі і актуалізацыі спадчыны Янкі Купалы, літаратурнага музеязнаўства.
Асноўнымі мэтамі канферэнцыі з’яўляюцца аналіз творчасці і грамадскай дзейнасці Янкі Купалы, яго ролі ў фарміраванні беларускай эстэтычнай і філасофскай думкі, уплыў на развіццё беларускай літаратуры, нацыянальнай ідэнтычнасці, беларускай дзяржаўнасці. Акрамя таго, ўдзельнікі абмяркуюць фундаментальныя праблемы рэцэпцыі і прадстаўлення нацыянальнай культурнай спадчыны ў сучасным свеце, праблемы перакладу літаратурнай класікі, ролю літаратурнага музея Янкі Купалы ў захаванні, інтэрпрэтацыі і папулярызацыі асобы творцаў.
Традыцыйна месцам правядзення канферэнцыі стане Дзяржаўны літаратурны музей Янкі Купалы.
Па выніках работы будзе выдадзены зборнік матэрыялаў канферэнцыі.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».