У Маладзечанскім раёне сутыкнуліся малакавоз і легкавік, дапамога ратавальнікаў спатрэбілася аднаму з кіроўцаў, паведамілі ў Мінскім абласным упраўленні МНС.
4 кастрычніка ў 8.19 ратавальнікам паступіла паведамленне аб дарожна-транспартным здарэнні паблізу в.Літва Маладзечанскага раёна. Патрабавалася дапамога ў дэблакіроўцы пацярпелага.
«Калі мы пад’язджалі да месца здарэння, убачылі некалькі машын недалёка ад чыгуначнага пераезду, на месцы працавалі супрацоўнікі ДАІ, — распавёў адзін з ратавальнікаў. — У выніку сутыкнення малакавоза і легкавога аўтамабіля апынуўся заціснутым кіроўца Peugeot 605. На заднім сядзенні знаходзілася жанчына, ёй аказвалі дапамогу медыкі. Мы адразу абясточылі і стабілізавалі аўтамабіль. Ад сутыкнення вадзіцельскія дзверы былі пашкоджны, таму мы яе пры дапамозе гідраўлічнага інструмента адрэзалі і адціснулі стойку, так як сістэма вадзіцельскага сядзення не працавала і не дазваляла вызваліць ногі кіроўцы. Мужчына знаходзіўся ў свядомасці. Дэблакаваўшы яго, мы перадалі кіроўцу брыгадзе хуткай медыцынскай дапамогі».
Два пасажыры легкавога аўтамабіля таксама дастаўлены ва ўстанову аховы здароўя. Кіроўца малакавоза не пацярпеў.
Фота: МНС
Мерапрыемства праводзіцца на добраахвотнай аснове.
Не выявіць ні секунды абыякавасці.
