Народны артыст Беларусі, лаўрэат Дзяржаўнай прэміі Рэспублікі, кавалер Ордэна Францыска Скарыны Сяргей Франкоўскі 15 кастрычніка адзначае сваё 60-годдзе. У наступным сезоне будзе 30 гадоў, як ён служыць беларускай сцэне.
Сёння без Сяргея Франкоўскага немагчыма ўявіць рэпертуар беларускай оперы. Ён не сканчаў музычнай школы, але займаўся ў студыі класічнага вакалу пры доме культуры ў Магілёве, дзе знакаміты педагог Людміла Браілоўская параіла маладому чалавеку паступаць у Маскоўскую кансерваторыю. Але так атрымалася, што неўзабаве яму давялося вярнуцца ў Мінск. А праз некаторы час ён паступіў у Беларускую акадэмію музыкі ў клас Леаніда Івашкова.
За 30 гадоў Франкоўскі выходзіў на сцэну Вялікага ў самых розных вобразах і выконваў адны з самых складаных оперных партый: Радамеса («Аіда» Дж. Вердзі), Каварадосі («Тоска» Дж. Пучыні), Каніо («Паяцы» Р. Леанкавала), Рычарда («Баль-маскарад» Дж. Вердзі), Калафа («Турандот» Дж. Пучыні), Герцага («Рыгалета» Дж. Вердзі), Герман («Пікавая дама» П. І. Чайкоўскага), Рамана («Сівая легенда» Д. Смольскага), Ізмаіла («Набука» Дж. Вердзі) і многіх іншых.
У гонар юбіляра ў Вялікім пройдуць тры бенефісныя спектаклі: 8 кастрычніка — «Фаўст», 19 кастрычніка — «Дзікае паляванне караля Стаха» і 22 кастрычніка — «Мадам Батэрфляй». Артыст выйдзе ў партыях доктара Фаўста, Дубатоўка і Пінкертона (адпаведна).
Фота – bolshoibelarus.by
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
