Міжнародная навуковая канферэнцыя «Археалогія Беларусі і сумежных тэрыторый: людзі і рэчы» адкрылася на гістарычным факультэце Беларускага дзяржаўнага ўніверсітэта. Мерапрыемства праходзіць у вочна-дыстанцыйным фармаце.
На працягу трох дзён удзельнікамі навуковага форуму стануць каля 80 вучоных-гісторыкаў, супрацоўнікаў музеяў з Беларусі і Расіі: прадстаўнікі БДУ, Гродзенскага дзяржаўнага ўніверсітэта імя Я. Купалы, Магілёўскага дзяржаўнага ўніверсітэта імя А. А. Куляшова, Інстытута гісторыі НАН Беларусі, Наўгародскага дзяржаўнага ўніверсітэта імя Яраслава Мудрага, Бранскага дзяржаўнага ўніверсітэта, Смаленскага дзяржаўнага музея-запаведніка, Дзяржаўнага Эрмітажа (г. Санкт-Пецярбург) і іншыя.
У рамках пяці тэматычных секцый эксперты прадставяць апошнія вынікі міждысцыплінарных даследаванняў і разгледзяць сучасныя падыходы да вывучэння археалагічных артэфактаў, а таксама абмяркуюць актуальныя пытанні археалогіі каменнага, бронзавага і жалезнага вякоў, сярэднявечча і постсярэднявечча.
Таксама запланавана асобная секцыя для студэнтаў, дзе яны прадставяць свае даследчыя работы.
Па выніках форуму вучоных плануецца публікацыя зборніка дакладаў з наступным яго размяшчэннем у Электроннай бібліятэцы БДУ.
Надзея НІКАЛАЕВА
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.