У філіяле Прэзідэнцкай бібліятэцы на Карла Маркса, 38 6 кастрычніка адбылося адкрыццё выставы беларускай мастачкі Эльвіры Салавянчык. У чым асаблівасць яе прац, і чаму на іх немагчыма не звярнуць увагу?
У шэрагу яркіх карцін раскрываецца вобраз жанчыны, натхнёны афрыканскімі матывамі. Доўгі час Эльвіра Салавянчык знаходзілася ў Егіпце. Там яна азнаёмілася з працамі іншых мастакоў, прысвечаных Афрыцы. Гэта яе вельмі моцна натхніла.
— Я пішу тое, што мяне зацікавіць, — дзеліцца мастачка. — Асноўнае для мяне — вобраз, фарбы, стылізацыя.
Таксама на выставе можна пабачыць сімвалічныя карціны, якія з’яўляюцца аўтарскай інтэрпрэтацыяй песень Дзімы Білана. На момант іх стварэння творчасць музыканта вельмі натхняла Эльвіру. Яна не выключае, што ў будучым можа стварыць падобныя інтэрпрэтацыі і іншых песень.
Ёсць сярод карцін і адна, прысвечаная тэме стварэння свету.
На ёй мы бачым аўтарскі погляд на біблейскі сюжэт. Адам у сініх шортах і Ева ў сукенцы ў гарошак сядзяць спінай да спіны проста ў цэнтры забароненага ім плёну. Але карціна не выглядае змрочнай, наадварот — у ёй віруе жыццё. Як і ва ўсёй творчасці мастачкі.
— У мяне заўсёды была цяга да яркіх колераў. Ніколі не было чагосьці шэранькага, цьмянага. Я бунтар, — прызнаецца Эльвіра.
У яе працах ёсць і сімвалізм, і стылізацыя, і абстракцыя. Усе яны выкананы ў змешанай тэхніцы.
Лізавета ГОЛАД
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.