Прэм’ер-міністр Беларусі Раман Галоўчанка пазначыў асноўныя задачы на 2023 год падчас інфармавання прадстаўнікоў сілавога блока па пытаннях ваенна-палітычнай і сацыяльна-эканамічнай абстаноўкі, перадае БелТА.
Ва ўрадзе завяршаецца праца па падрыхтоўцы прагнозных дакументаў на 2023 год. «Асноўныя задачы — прырост прамысловай вытворчасці, нарошчванне экспарту, а таксама інвестыцыйнае развіццё. У прыватнасці, запланаваны да рэалізацыі доўгатэрміновыя інфраструктурныя праекты на Br8 млрд — школы, бальніцы, спартзалы, дарогі і г.д. Будуць рэалізоўвацца інвестпраекты па даручэнні Кіраўніка дзяржавы „Адзін раён — адзін праект“ — 129 вытворчых праектаў агульным коштам больш за Br4 млрд. Акрамя таго, больш за 50 імпартазамяшчальных праектаў — гэта больш за Br5 млрд», — сказаў Раман Галоўчанка.
Паводле яго слоў, санкцыйны ўдар беларуская эканоміка вытрымала і перайшла ў мабілізацыйны рэжым. Мэта апанентаў не дасягнутая. Пры гэтым наперадзе яшчэ шмат няпростай працы. «Відавочна, ціск будзе нарастаць. Але Захад збянтэжаны, што захады ні ў дачыненні да Расіі, ні ў дачыненні да Беларусі не прыводзяць да таго выніку, які быў задуманы. І сур’ёзны санкцыйны патэнцыял Захаду ў прынцыпе вычарпаны. Вядома, унутраныя складанасці таксама ёсць. Сярод іх інфляцыя, невялікае зніжэнне ўзроўню рэальных даходаў насельніцтва, усё яшчэ адносна высокія стаўкі па крэдытах і гэтак далей. Але гэта таксама плата за незалежнасць», — адзначыў прэм’ер-міністр.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.