Студэнт Беларускага дзяржаўнага універсітэта заснаваў Цэнтр онлайн-рэпетытарства Edme.by, паведамілі ў прэс-службе ВНУ.
Аўтарам праекта з’яўляецца трэцякурснік факультэта прыкладной матэматыкі і інфарматыкі Дзмітрый Траццякоў. «Адна з мэтаў Edme.by — гэта дапамагчы студэнтам у працаўладкаванні, а таксама ў развіцці практычных навыкаў выкладчыцкай дзейнасці. Онлайн-рэпетытары дапамагаюць школьнікам малодшых, сярэдніх і старэйшых класаў папоўніць прабелы ў ведах і падрыхтавацца да іспытаў для паступлення ў ВНУ», — распавёў заснавальнік праекта.
Унікальнасць анлайн-цэнтра заключаецца ў тым, што ў якасці рэпетытараў выступаюць студэнты беларускіх ВНУ — пераможцы рэспубліканскіх і міжнародных конкурсаў і алімпіяд, а таксама тыя, хто пры паступленні набраў высокія балы. Для таго каб стаць часткай выкладчыцкай каманды праекта, студэнтам трэба прайсці сумоўе і выпрабавальны тэрмін працы. Сёння ў цэнтры працуюць каля 20 спецыялістаў па 11 вучэбных прадметах: гэта матэматыка, руская, беларуская і англійская мовы, хімія, фізіка, Грамадазнаўства, біялогія, інфарматыка, гісторыя і іншыя.
Заняткі праходзяць на пляцоўках Zoom і Skype. Кожны ўрок арганізоўваецца па індывідуальна падабранай праграме і методыцы навучання, усе неабходныя матэрыялы прадастаўляюцца. Таксама існуе магчымасць адсачыць прагрэс навучэнца — на сайце Edme.by у асабістым кабінеце вучня можна ўбачыць падрабязную справаздачу паспяховасці.
Па словах аўтара, анлайн-цэнтр мае намер пашыраць лінейку вучэбных прадметаў, па якіх будуць прадастаўляцца паслугі рэпетытараў, павялічыцца і выкладчыцкі склад.
Прэв’ю: pixabay.com
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.